ডিজিটেল ডেস্কঃ শিশুৰ ওপৰত হোৱা যৌন নিৰ্যাতনৰ ঘটনাক গোপনে ৰখাৰ প্ৰৱণতাৰ প্ৰতি উদ্বেগ প্ৰকাশ কৰিলে চুপ্ৰীম কোৰ্টৰ মুখ্য ন্যায়াধীশ ডি ৱাই চন্দ্ৰচূড়ে। কৈছে যে নিৰ্যাতিত শিসু আৰু নিৰ্যাতনকাৰী যদি একে পৰিয়ালৰে সদস্যও হয়, তাৰ বিৰুদ্ধেও অভিযোগ দাখিল কৰিব লাগিব।
শনিবাৰে ‘শিশুৰ ওপৰত যৌন নিৰ্যাতন প্ৰতিৰোধী আইন’, চমুকৈ পকচ’ৰ প্ৰয়োগ সংক্ৰান্তীয় এখন আলোচনা সভাত এই মন্তব্য কৰিছে মুখ্য ন্যায়াধীশগৰাকীয়ে।
“শিশুসকলৰ ওপৰত যৌন নিৰ্যাতনৰ ঘটনা গোপন কৰাৰ প্ৰৱণতা অত্যন্ত দুৰ্ভাগ্যজনক। নীৰৱতাৰ এই সংস্কৃতিয়ে অপৰাধীসকলক উৎসাহিত কৰিব। যিসকল শিশু নিৰ্যাতনৰ চিকাৰ হৈছে, চৰকাৰে তেওঁলোকৰ আৰু পৰিয়ালৰ সুৰক্ষাৰ ব্যৱস্থা কৰিব লাগিব।”- মুখ্য ন্যায়াধীশগৰাকীয়ে কয়।
উল্লেখ্য যে চৰকাৰী তথ্য অনুসৰি, লকডাউনৰ সময়ৰে পৰা দেশত পাৰিবাৰিক হিংসাৰ লগে লগে শিশুৰ ওপৰত যৌন নিৰ্যাতনৰ ঘটনাও বাঢ়িছে। মুখ্য ন্যায়াধীশগৰাকীৰ মতে, এইক্ষেত্ৰত শিশুসকলকো সচেতন কৰি তোলাটো প্ৰয়োজন।
Continue Reading
