ডিজিটেল ডেস্কঃ গৌতম আদানীৰ মালিকানাধীন এনডিটিভিয়ে বিভিন্ন ভাৰতীয় ভাষাত ৯টা নিউজ চেনেল মুকলি কৰাৰ পৰিকল্পনা কৰিছে। শেহতীয়াকৈ এই বাতৰি প্ৰকাশ পাইছে।
বুধবাৰে এন এছ ইলৈ লিখা এখন পত্ৰ অনুসৰি, এনডি টিভিয়ে পৰ্যায়ক্ৰমে আঞ্চলিক ভাষাত ৯টা নিউজ চেনেল স্থাপনৰ বাবে তথ্য আৰু সম্প্ৰচাৰ মন্ত্ৰালয়ৰ পৰা অনুমতি বিচাৰিছে। কোম্পানীটোৱে মন্ত্ৰালয়ৰ পৰা অনুমোদন লাভ কৰাৰ পিছতে চেনেলসমূহ মুকলিৰ তাৰিখ প্ৰকাশ কৰিব বুলি জানিবলৈ দিয়ে।
পূৰ্বে ৰাধিকা আৰু প্ৰাণয় ৰয়ে নেতৃত্ব দিয়া এনডিটিভিক যোৱা বছৰৰ ডিচেম্বৰ মাহত আদানীয়ে অধিগ্ৰহণ কৰে। হিণ্ডেনবাৰ্গ ৰিপ’ৰ্ট প্ৰকাশ পোৱাৰ পাছতে এনডিটিভিৰ শ্বেয়াৰৰ মূল্য প্ৰায় ৩৯ শতাংশ হ্ৰাস পাইছে।
Continue Reading
