ডিজিটেল ডেস্ক : প্ৰতি বছৰৰ ১ জুন তাৰিখটো ‘বিশ্ব গাখীৰ
দিৱস’ হিচাপে পালন কৰা হয়, উদ্দেশ্য মাথোঁ জনগণক গাখীৰৰ
গুৰুত্বৰ প্ৰতি সজাগ কৰা। গৰু আৰু ম’হৰ গাখীৰ ভাৰতত আটাইতকৈ পুষ্টিকৰ তালিকাত
অন্তৰ্ভুক্ত, কিন্তু ছাগলীৰ গাখীৰ তুলনামূলকভাৱে ব্যৱহাৰ কমকৈ
কৰা হয় বা নকৰে বুলিব পাৰি। দৰাচলতে ছাগলীৰ গাখীৰ আন গৰু-ম’হৰ গাখীৰতকৈ অধিক পুষ্টিকৰ
আৰু শক্তিবৰ্ধক বুলি গণ্য কৰা হয়।
দৰাচলতে গাখীৰক সম্পূৰ্ণ খাদ্য বুলি গণ্য কৰা হয় য’ত সকলো ধৰণৰ পুষ্টিকৰ উপাদান পোৱা যায় যদিও সাধাৰণতে কেলচিয়াম, ভিটামিন-ডি আৰু প্ৰ’টিনৰ মূল উৎস বুলি গণ্য কৰা হয়। ইয়াৰ উপৰি ছাগলীৰ গাখীৰ খোৱা লোকসকলে এই পুষ্টিকৰ উপাদানসমূহ প্ৰচুৰ পৰিমাণে লাভ কৰে।
ছাগলীৰ গাখীৰ কি কি ৰোগত উপকাৰী?
১. ডেংগু জ্বৰ
২. শাৰীৰিক দুৰ্বলতা
৩. সংক্ৰমণ
৪. অষ্টিঅ’পৰ’ছিছ
৫. হাত ভৰি অজ্ঞান হোৱা
ফুড ডাটা চেণ্ট্ৰেল অব
আমেৰিকাৰ মতে, ১০০ মিলিলিটাৰ গৰু আৰু
ম’হৰ গাখীৰত ৩.২৮ গ্ৰাম প্ৰটিন আৰু ১২৩ মিলিগ্ৰাম কেলচিয়াম পোৱাৰ বিপৰীতে ১০০
মিলিলিটাৰ ছাগলীৰ গাখীৰত ৩.৩৩ গ্ৰাম প্ৰটিন আৰু ১২৫ মিলিগ্ৰাম কেলচিয়াম পোৱা যায়।
যদিও সূৰ্যৰ পোহৰৰ জৰিয়তে ভিটামিন-ডি লাভ কৰিব পাৰি, কিন্তু
শীতকালত বহু মাহ পৰ্যন্ত সূৰ্য্য উদয় নোহোৱা দেশত এই গাখীৰে ভিটামিন-ডিৰ অভাৱ
পূৰণ কৰিব পাৰে। সেয়েহে ছাগলীৰ গাখীৰ ১০০ মিলিলিটাৰত ৪২ আই ইউ ভিটামিন-ডি পোৱা
যায়।
ভিটামিন-এ আমাৰ চকুৰ দৃষ্টিশক্তি
বৃদ্ধি আৰু ৰোগ প্ৰতিৰোধ ক্ষমতা বৃদ্ধিত সহায়ক,
১২৫ আই ইউ ভিটামিন-এ ১০০ মিলিলিটাৰ ছাগলীৰ গাখীৰত থাকে, যিটো গৰু-ম’হৰ গাখীৰতকৈ বহুগুণে বেছি।
