ডিজিটেল ডেস্কঃ গুৱাহাটী দবা একাডেমীৰ খেলুৱৈ হ্ৰেয়াংশ ডেকা আৰু প্ৰজ্ঞান বসুমতাৰীয়ে গুৱাহাটী দবা চেম্পিয়নশ্বিপ-২০২৩ত ৭ বছৰ অনুৰ্ধৰ শাখাত উন্নত প্ৰদৰ্শন কৰি সকলোৰে দৃষ্টি আকৰ্ষণ কৰে। ৫ ৰাউণ্ডৰ পৰা সম্পূৰ্ণ ৫ পইণ্ট লাভ কৰি আৰু সমগ্ৰ প্ৰতিযোগিতাখনত অপৰাজিত হৈ হ্ৰেয়াং ডেকা চেম্পিয়ন হয়।
৩ পইণ্ট লাভ কৰি প্ৰজ্ঞান বসুমতাৰীয়ে তৃতীয় স্থান লাভ। ৰেবংশ শৰ্মাই ৪ পইণ্ট সংগ্ৰহ কৰি দ্বিতীয় স্থান লাভ কৰে। হ্ৰেয়াংশ আৰু প্ৰজ্ঞান দুয়োজনেই আগন্তুক সদৌ অসম আন্তঃজিলা দবা চেম্পিয়নশ্বিপত গুৱাহাটীক প্ৰতিনিধিত্ব কৰিবলৈ নিৰ্বাচিত হৈছে।
গুৱাহাটী দবা সন্থাৰ উদ্যোগত অহা ২৬ মে’ৰ পৰা ২৮ মে’লৈ গুৱাহাটীৰ শান্তিপুৰ এথলেটিক ক্লাবত এই প্ৰতিযোগিতা খন অনুষ্ঠিত হৈছিল।
হ্ৰেয়াংশ আৰু প্ৰজ্ঞান বৰ্তমান ফিডে প্ৰশিক্ষক প্ৰণৱ কুমাৰ নাথৰ অধীনত গুৱাহাটী দবা একাডেমীত প্ৰশিক্ষণ লৈ আছে । গুৱাহাটী দবা একাডেমীয়ে দুয়োকে তেওঁলোকৰ এই কৃতিত্বৰ বাবে অভিনন্দন জ্ঞাপন কৰিছে।
Continue Reading
