ডিজিটেল ডেস্কঃ এক নিদাৰুণ ঘটনাই পুনৰ জোকাৰি গৈছে দেশক৷ কেইবছৰমান আগতে গুৱাহাটীৰ ৱেৰলেছৰ এটা ঘৰত জুই লাগি জুই শিশুৰ কৰুণ মৃত্যু ঘটিছিল৷ একেধৰণৰেই ঘটনা সংঘটিত হ’ল তেলেংগানাত৷ তেলেংগানাৰ মানচেৰিয়াল জিলাৰ ভেংকটপুৰ গাঁৱৰ এটা ঘৰত সংঘটিত ভয়ংকৰ অগ্নিকাণ্ডত দুটি শিশুসহ ছয়জন লোক নিহত হৈছে।
শুক্ৰবাৰে মাজনিশা ৰামকৃষ্ণপুৰ আৰক্ষী থানা এলেকাত সংঘটিত হয় এই ঘটনা৷আৰক্ষীয়ে প্ৰকাশ কৰা অনুসৰি দুদিন আগতে ভতিজী মনিকা, তেওঁৰ দুই সন্তান আৰু আন এগৰাকী আত্মীয় ভেংকটপুৰ গাঁৱৰ বাসিন্দা পদ্মা নামৰ এগৰাকী মহিলাৰ ঘৰলৈ আহিছিল। শুক্ৰবাৰে নিশা প্ৰায় ১২:৩০ বজাত এজন স্থানীয় বাসিন্দাই দেখিলে যে পদ্মাৰ ঘৰত জুই লাগিছে৷ তেওঁ চিঞৰি কাষৰীয়া লোকসকলক মাতিবলৈ ধৰে। আৰক্ষীকো খবৰ দিয়া হয়।
ঘটনাস্থলীত আৰক্ষী উপস্থিত হয়। অগ্নিনিৰ্বাপক বাহিনীও আহি উপস্থিত হয় ৷ কিন্তু তেতিয়ালৈকে গোটেই ঘৰটো জ্বলি শেষ হৈছিল। মানচেৰিয়াল জিলাৰ সহকাৰী আৰক্ষী আয়ুক্ত বি তিৰুপতি ৰেড্ডীয়ে কয়, "জুই লগাৰ সময়ত পদ্মা আৰু তেওঁৰ স্বামী ঘৰত আছিল। দুদিন আগতে, পদ্মাৰ ভতিজী আৰু তেওঁৰ ল'ৰা-ছোৱালীকেইটাই ঘৰটো চাবলৈ আহিছিল। তেওঁলোকৰ সৈতে আন এজন আত্মীয়ও আছিল। তেওঁলোক জুই লগাৰ সময়ত চিঞৰিছিল যদিও কোনেও তেওঁলোকক জুইৰ মাজৰ পৰা উলিয়াই আনিবলৈ সাহস কৰা নাছিল৷
এজন স্থানীয় বাসিন্দাই কয়, "যোৱা দুদিন ধৰি পদ্মাৰ ঘৰত অতিথিসকলে আনন্দ-স্ফূৰ্তি কৰি আছিল। মুহূৰ্ততে, সকলো শেষ হৈ গ’ল। আৰক্ষীয়ে জুই কেনেকৈলাগিল সেই বিষয়ত তদন্ত আৰম্ভ কৰিছে৷
Continue Reading
