ডিজিটেল ডেস্কঃ গুজৰাটত সংঘটিত হৈছে এক ভয়ংকৰ ঘটনা।শনিবাৰে সন্ধিয়া গুজৰাটৰ ৰাজকোটৰ এটা গেমিং জ’নত ভয়ংকৰ অগ্নিকাণ্ড সংঘটিত হয় আৰু এই ঘটনাত কমেও ২৪ জন লোকৰ মৃত্যু হৈছে। নিহতসকলৰ ভিতৰত কমেও ৯ টি শিশুও আছে।
জুই নিৰ্বাপনৰ প্ৰচেষ্টা অব্যাহত আছে।ৰাজকোটৰ আৰক্ষী আয়ুক্ত ৰাজু ভাৰ্গৱে কয় যে, "টি আৰ পি গেমিং জ'নত অগ্নিকাণ্ড সংঘটিত হৈছে ।উদ্ধাৰ অভিযান অব্যাহত আছে। জুই নিয়ন্ত্ৰণলৈ আনিব পৰা গৈছে। এতিয়ালৈকে প্ৰায় ২৪ টা মৃতদেহ উদ্ধাৰ কৰা হৈছে। বহুতকে চিকিৎসালয়লৈ প্ৰেৰণ কৰা হৈছে। ঘটনাটোৰ তদন্ত কৰা হ'ব।"। আয়ুক্তগৰাকীয়ে কয় যে আৰক্ষীয়ে গেমিং জ'মৰ মালিকৰ বিৰুদ্ধে গাফিলতিৰ অপৰাধ পঞ্জীয়ন কৰিব আৰু উদ্ধাৰ অভিযান সমাপ্ত হোৱাৰ পিছত তদন্ত আৰম্ভ কৰা হ'ব।'
ইফালে গুজৰাটৰ মুখ্যমন্ত্ৰী ভূপেন্দ্ৰ পেটেলে এই ঘটনাৰ খবৰ পোৱাৰ পিছতে 'এক্স'ত লিখিছে, "ৰাজকোটৰ গেম জ'নত সংঘটিত অগ্নিকাণ্ডৰ ঘটনাত উদ্ধাৰ আৰু সাহায্য অভিযানৰ বাবে পৌৰ নিগম আৰু প্ৰশাসনক নিৰ্দেশনা দিয়া হৈছে। আঘাতপ্ৰাপ্তসকলৰ তাৎক্ষণিক চিকিৎসাৰ ব্যৱস্থাক কৰিবলৈও নিৰ্দেশ দিয়া হৈছে।" অগ্নিকাণ্ডৰ কাৰণ এতিয়াও জানিব পৰা হোৱা নাই। ৰাজ্য চৰকাৰে মৃতকৰ পৰিয়ালক ৪ লাখ আৰু আহতক ৫০ হাজাৰ টকাৰ সাহায্য আগবঢ়াব বুলি ঘোষণা কৰিছে। ঘটনাৰ তদন্তৰ বাবে গঠন কৰা হৈছে বিশেষ তদন্তকাৰী গোট।
Continue Reading
