ডিজিটেল ডেস্কঃ গুজৰাটত আজি অনুষ্ঠিত হৈছে দ্বিতীয় পৰ্যায়ৰ ভোটগ্ৰহণ৷ প্ৰধানমন্ত্ৰী নৰেন্দ্ৰ মোদীৰ লগতে ৰাজ্য খনৰ মুখ্যমন্ত্ৰী ভূপেন্দ্ৰ পেটেলে আজি দ্বিতীয় পৰ্যায়ৰ ভোটগ্ৰহণত ভোটদান কৰে। গৃহমন্ত্ৰী অমিত শ্বাহেও আজি ভোট দান কৰিবলৈ আহমেদাবাদলৈ অহাৰ কথা আছে।
গুজৰাট বিধানসভা নিৰ্বাচনৰ দ্বিতীয় পৰ্যায়ৰ ভোটগ্ৰহণৰ সময়তে প্ৰধানমন্ত্ৰী নৰেন্দ্ৰ মোদীয়ে পুৱা প্ৰায় ৯.৩০ বজাত ৰাণীপৰ নিশান পাব্লিক স্কুলত উপস্থিত হয়৷ প্ৰধানমন্ত্ৰীয়ে হাত জোকাৰি, নমস্কাৰ জনাই তাত উপস্থিত থকা ৰাইজক শুভেচ্ছা জ্ঞাপন কৰে।
ৰাস্তাৰ দুয়োফালৰ লোকসকলে 'মোদী, মোদী'ৰ শ্ল'গান দিয়াও দেখা যায়৷উল্লেখ্য ৰাজ্যখনৰ কেন্দ্ৰীয় আৰু উত্তৰ অঞ্চলৰ ১৪ খন জিলাৰ ৯৩ টা সমষ্টিত আজি দ্বিতীয় পৰ্যায়ৰ ভোটগ্ৰহণ অনুষ্ঠিত হৈছে।
৬১ টা ৰাজনৈতিক দলৰ মুঠ ৮৩৩ জন প্ৰাৰ্থীয়ে আহমেদাবাদ, বদোদৰা, গান্ধীনগৰ আৰু অন্যান্য জিলাত বিয়পি থকা এই বিধানসভা সম্ষ্টিসমূহত প্ৰতিদ্বন্দিতা কৰিছে।ৰাজ্য খনত ১ ডিচেম্বৰত অনুষ্ঠিত হৈছিল প্ৰথম পৰ্যায়ৰ ভোটগ্ৰহণ৷
Continue Reading
