ডিজিটেল ডেস্কঃ প্ৰাণঘাতক গুটখাৰ বিজ্ঞাপনত অভিনয় কৰি এতিয়া কেন্দ্ৰৰ ৰোষত পৰিছে বলীউডৰ তাৰকা অক্ষয় কুমাৰ, শ্বাহৰুখ খান আৰু অজয় দেৱগণ। কেন্দ্ৰীয় চৰকাৰে গুটখা কোম্পানীৰ সামগ্ৰীৰ বিজ্ঞাপনত অভিনয় কৰাৰ বাবেউক্ত তিনি অভিনেতালৈ জাননী প্ৰেৰণ কৰিছে। উল্লেখ্য এলাহাবাদৰ লক্ষ্ণৌ বিচাৰপীঠে কেন্দ্ৰীয় চৰকাৰৰ সচিবলৈ অৱমাননাৰ জাননী প্ৰেৰণ কৰিছিল। সেই জাননীৰ উত্তৰত কেন্দ্ৰই কৈছে যে ইতিমধ্যে তিনিজন অভিনেতাক কাৰণ দৰ্শোৱাৰ জাননী জাৰি কৰা হৈছে।
কেন্দ্ৰীয় চৰকাৰৰ পৰামৰ্শদাতাই উচ্চ ন্যায়ালয়ক এইবুলিও জনায় যে উচ্চতম ন্যায়ালয়েও একেটা বিষয়ৰ শুনানি গ্ৰহণ কৰি আছে, সেয়েহে এলাহাবাদৰ লক্ষ্ণৌ বিচাৰপীঠত দাখিল কৰা আবেদনখন তৎক্ষণাৎ খাৰিজ কৰিব লাগে।অৱশ্যে বিচাৰপীঠে ৯ মে ২০২৪ তাৰিখে পুনৰ শুনানিৰ দিন স্থিৰ কৰিছে।
ন্যায়াধীশ ৰাজেশ সিং চৌহানৰ বিচাৰপীঠে কয় যে উচ্চ ন্যায়ালয়ে ২০২২ চনৰ ছেপ্টেম্বৰ মাহত কেন্দ্ৰীয় চৰকাৰক আবেদনকাৰীৰ আবেদনৰ বিষয়ত সিদ্ধান্ত ল'বলৈ নিৰ্দেশ দিছিল। আবেদনকাৰীয়ে দাবী কৰিছিল যে গুটখাৰ বিজ্ঞাপনত ভাগ লোৱা অভিনেতা কেইজনৰ বিৰুদ্ধে ব্যৱস্থা লোৱা উচিত।
আবেদনকাৰীয়ে কৈছিল যে চৰকাৰে বিষয়টো সন্তৰ্ভত কোনো ব্যৱস্থা গ্ৰহণ কৰা নাই। ইয়াৰ পিছতে উচ্চ ন্যায়ালয়ে কেন্দ্ৰীয় চৰকাৰৰ কেবিনেট সচিবলৈ জাননী জাৰি কৰে।
শুনানিৰ সময়ত, ডেপুটি ছলিচিটৰ জেনেৰেল এছ.বি. পাণ্ডেই কয় যে কেন্দ্ৰই অক্ষয় কুমাৰ, শ্বাহৰুখ খান আৰু অজয় দেৱগনক কাৰণ দৰ্শোৱাৰ জাননী জাৰি কৰিছে আৰু তেওঁলোকৰ পৰা উত্তৰ বিচাৰিছে। গোচৰটোত কেন্দ্ৰীয় চৰকাৰৰ হৈ ডেপুটি ছলিচিটৰ জেনেৰেল এছ.বি. সিঙক নিযুক্তি দিয়া হৈছে।
Continue Reading
