ডিজিটেল ডেস্কঃ ২০২২ বৰ্ষটো সাংঘাটিক ব্যস্ততা আৰু সফলতাৰে পাৰ হ’ল আলিয়া ভাটৰ। এপ্ৰিল মাহত ৰণবীৰ কাপুৰৰ স’তে বিবাহপাশত আৱদ্ধ হোৱাৰ পাছতে জুন মাহত আলিয়াই অন্তঃসত্বা হোৱাৰো খবৰ বিয়পি পৰে। নৱেম্বৰত জন্ম দিয়ে কন্যাসন্তানক।
কিন্তু গৰ্ভাৱস্থাৰ সময়তো বিৰতি লোৱা নাছিল আলিয়াই। কেনে আছিল অন্তঃসত্বাকালীন প্ৰথম সপ্তাহটো? জনালে অভিনেত্ৰীগৰাকীয়ে।
''প্ৰথম কিছু সপ্তাহ অলপ ক্লান্ত হৈ পৰিছিলো, বমি বমি ভাৱ হৈছিল অনবৰতে। সেয়ে কামৰ ফাঁকে ফাঁকে ভেনিটি ভানতে শুইছিলো।’’- আলিয়াই কয়।
অভিনেত্ৰীগৰাকীয়ে কয় যে অন্তঃসত্ত্বাৰ সময়ছোৱাতো তেওঁ হলিউডৰ 'হাৰ্ট অৱ ষ্টোন’ ছৱিৰ শ্বুটিং কৰিছিল। আলিয়াই কয় যে কামৰ প্ৰতি তেওঁৰ দায়বদ্ধতাৰ বাবেই এই ব্যস্ততা অব্যাহত ৰাখিছিল।
''এয়া প্ৰাকৃতিক ঘটনা। মাক হৈ জীৱনৰ অৰ্থ বিচাৰি পাইছো।’’- আলিয়াই কয়
Continue Reading
