ডিজিটেল ডেস্কঃ গৰ্ভপাত কৰাটো সম্ভৱ নহ’ল। অৱশেষত কন্যা সন্তান জন্ম দিলে ধৰ্ষণৰ বলি হোৱা নাবালিকাই। নাবালিকাগৰাকীৰ কথা চিন্তা কৰিয়েই ২১ আগষ্টত কলকাতা উচ্চ ন্যায়ালয়ৰ ন্যায়াধীশ সব্যসাচী ভট্টাচাৰ্যই নাবাল্কাগৰাকীৰ গৰ্ভপাত কৰোৱাৰ নিৰ্দেশ দিছিল। নাবালিকাগৰাকীক সেইমৰ্মে কলকাতাৰ এখন চিকিৎসালয়লৈ লৈ যোৱা হৈছিল আৰু শাৰীৰিক পৰীক্ষা কৰোৱা হৈছিল। অৱশ্যে চিকিৎসালয়ৰ চিকিৎসকসকলে শাৰীৰিক পৰীক্ষাৰ পিছত জানিব পাৰিছিল যে নাবালিকাগৰাকীৰ গৰ্ভপাত কৰাটো সম্ভৱ নহয়। কাৰণ তেতিয়ালৈকে ভ্ৰূণটো চাৰে ছয় মাহৰ হৈছিল।
পূব মেদিনীপুৰত নাবালিকাগৰাকীক তিনিজন কিশোৰে দলবদ্ধ ধৰ্ষণ কৰিছিল। কলকাতা উচ্চ ন্যায়ালয়ে নাবালিকাগৰাকীৰ শাৰীৰিক পৰীক্ষা আৰু গৰ্ভপাতৰ নিৰ্দেশ দিছিল। অৱশ্যে, গৰ্ভপাত কৰাটো সম্ভৱ নোহোৱাত ছোৱালীজনীয়ে কলকাতাৰ এখন চিকিৎসালয়ত এটি কন্যা সন্তান জন্ম দিয়ে। ধৰ্ষণৰ ঘটনা সন্দৰ্ভত ইতিমধ্যে তিনিজন কিশোৰক গ্ৰেপ্তাৰ কৰা হৈছে।
চিকিৎসকে কৈছিল যে যদি ভ্ৰূণটো চিজাৰিয়ান চেক্সনৰ দ্বাৰা শৰীৰৰ পৰা পৃথক কৰা হয়, তেন্তে ভৱিষ্যতে নাবালিকাগৰাকীৰ সমস্যা হ'ব পাৰে। গতিকে চিকিৎসকসকলে স্বাভাৱিক প্ৰসৱৰ বিষয়ত নিৰ্ভৰ কৰিছিল। ছোৱালীজনীয়ে কৈছে যে যদি কোনোবাই তাইৰ সন্তানৰ যত্ন ল'ব বিচাৰে তেন্তে তেওঁৰ কোনো আপত্তি নাই। শিশুটোৰ প্ৰকৃত পিতৃ চিনাক্ত কৰিবলৈ শিশুটি আৰু তিনিজন কিশোৰৰ ডিএনএ পৰীক্ষা কৰোৱা হ’ব।
Continue Reading
