ডিজিটেল ডেস্কঃ এটা ভাৰতীয় কোম্পানীয়ে এটা আঙুঠিত অভিলেখ সংখ্যক হীৰা খচিত কৰি গিনিজ বুক অৱ ৰেকৰ্ডছত স্থান লাভ কৰিছে। সেই আঙঠিটোত মুঠ ৫০,৯০৭টা হীৰা আছে।
গণি গণি পঞ্চাশ হাজাৰ ন শ সাতটা হীৰা সেই আঙঠিটোত খচিত কৰা হৈছে। এই সাফল্যৰ বাবে হৰি কৃষ্ণ এক্সপ’ৰ্টছ এণ্ড এইচ কে ডিজাইনে গিনিজ ৱৰ্ল্ড ৰেকৰ্ড গঢ়ি তুলিছে।
শেহতীয়াকৈ মুম্বাইস্থিত এই প্ৰতিষ্ঠানটোৰ ফুল আকৃতিৰ হীৰা আঙঠিটোৱে গিনিজ বুক অৱ ৰেকৰ্ডছত স্থান লাভ কৰিছে। সূৰ্য্যমুখী ফুলৰ ওপৰত বহি আছে এটা পখিলা। ডাঙৰ ফুলটোৰ কেইবাটাও পাহি আছে। এই পাহিবোৰত খচিত কৰা হৈছে হীৰাবোৰ।
এই আশ্চৰ্যকৰ আঙঠিটো কেনেকৈ তৈয়াৰ কৰা হৈছিল? কোম্পানীটোৰ মতে, আঙঠিটোত ব্যৱহাৰ কৰা সকলো হীৰা পুনঃব্যৱহাৰ কৰা হয়। অৰ্থাৎ আঙঠিটো ক্ৰেতাই ঘূৰাই দিয়া হীৰা আৰু সোণেৰে তৈয়াৰ কৰা হয়। প্ৰতিটো হীৰা স্থাপনৰ কাম কৰিছিল কোম্পানীটোৰ অভিজ্ঞ কৰ্মীসকলে।
গিনিজ বুক অৱ ৱৰ্ল্ড ৰেকৰ্ড অনুসৰি এই আঙঠিটোৰ মূল্য ৭৮৫,৬৪৫ ডলাৰ। ভাৰতীয় মুদ্ৰাত সেয়া হ’ল ৬,৪২,২২,৯৪৩ টকা। এই বিশেষ আঙঠিটোক ‘ইউটেৰিয়া’ নাম দিয়া হৈছে, যাৰ অৰ্থ হৈছে ‘প্ৰকৃতিৰ মাজতে আছে এনেকুৱা’।
আঙঠিটোৰ ডিজাইন কৰিবলৈ ৪ মাহ সময় লাগিছিল। সেইদৰে, বনাবলৈ আৰু পাঁচ মাহ লাগে। মুঠতে ৯ মাহৰ পাছত প্ৰস্তুত হয় বিশ্ব অভিলেখ খিতাপ অৰ্জন কৰা ‘ইউটেৰিয়া’ৰ।
Continue Reading
