ডিজিটেল ডেস্কঃ বিহাৰত সংঘটিত হৈছে এটা নিকৃষ্ট ঘটনা। এজন ৪০ বছৰীয়া ব্যক্তিয়ে বিয়া কৰাইছে এগৰাকী ১১ বছৰীয়া নাবালিকাক।
জানিব পৰা মতে, ৪০ বছৰীয়া ব্যক্তিজনৰ নাম মহেন্দ্ৰ পাণ্ডে। ব্যক্তগৰাকীৰ ঘৰ বিহাৰৰ ছিৱানত। নাবালিকা গৰাকীৰ মাতৃৰ অভিযোগ অনুসৰি মহেন্দ্ৰ কুমাৰ পাণ্ডেৰ পৰা ধাৰলৈ ধন লৈছিল মহিলাগৰাকীয়ে। কিন্তু দাৰিদ্ৰতাৰ বাবে ধন ঘূৰাই দিব পৰা নাছিল মাতৃগৰাকীয়ে। ধন ঘূৰাই দিবৰ বাবে সময় বিচাৰিছিল ব্যক্তিজনৰ পৰা।
কিন্তু ধন ঘূৰাই দিব নোৱাৰাৰ বাবে ধনৰ পৰিৱৰ্তে মহিলাগৰাকীৰ কণমাণি কন্যাক বিয়া কৰাই লৈ যায় ব্যক্তিগৰাকীয়ে।
ইতিমধ্যে গ্ৰেপ্তাৰ কৰা হৈছে মহেন্দ্ৰ পাণ্ডেক। আৰক্ষীয়ে POCSO আইনৰ অধীনত ব্যক্তিগৰাকীক গ্ৰেপ্তাৰ কৰিছে বুলি জানিব পৰা গৈছে।
Continue Reading
