ডিজিটেল ডেস্কঃ হামাছ-ইজৰাইলী সেনাৰ যুঁজ খন এতিয়া আৰু গাজাতে সীমাবদ্ধ হৈ থকা নাই। এতিয়া এই যুঁজৰ উত্তাপে দহিছে তুৰ্কীকো। হাজাৰ হাজাৰ পেলেষ্টাইনী সমৰ্থকে তুৰস্কত থকা মাৰ্কিন বায়ু সেনাৰ ঘাটিত আক্ৰমণ কৰাৰ কথাই চিন্তিত কৰি তুলিছে আমেৰিকাক। উল্লেখ্য তুৰস্কত থকা মাৰ্কিন বায়ুসেনাৰ ঘাটিত পাৰমাণৱিক অস্ত্ৰ মজুত আছে বুলি চৰ্চা চলি আহিছে।
প্ৰতিবাদকাৰীয়ে আক্ৰমণ চলোৱাৰ দৃশ্যত দেখা গৈছে যে আৰক্ষীয়ে তুৰ্কী আৰু পেলেষ্টাইনী পতাকা উৰুৱাই শ্ল'গান দিয়া জনতাক ছত্ৰভঙ্গ দিয়াবলৈ কন্দুৱা গেছ নিক্ষেপ কৰিছেআৰু পানী হিলৈও ব্যৱহাৰ কৰিছে। উল্লেখ্য দেওবাৰে পেলেষ্টাইনৰ সমৰ্থকৰ এক ৰেলীত শ শ লোকে আমেৰিকা যুক্তৰাষ্ট্ৰৰ সৈন্য থকা বিমান ঘাটিটোত আক্ৰমণ কৰিবলৈ চেষ্টা কৰে। আমেৰিকা যুক্তৰাষ্ট্ৰৰ বিদেশ সচিব এণ্টনি ব্লিঙ্কেন গাজাৰ বিষয়ত আলোচনাৰ বাবে আঙ্কাৰাত উপস্থিত হোৱাৰ কেইঘণ্টামানৰ পূৰ্বে এই আক্ৰমণৰ ঘটনাটো ঘটিছে।
গাজাত মানৱীয় সংকট অধিক অৱনমিত হোৱাৰ ইজৰাইলক সমালোচনা কৰি আহিছে তুৰ্কীয়ে। , হামাছৰ সদস্যসকলক আতিথ্য দিয়াৰ সময়ত দুয়ো খন দেশৰ মাজত সংঘাত চলি আহিছে। ইজৰাইল-হামাছ যুদ্ধ আৰম্ভ হোৱাৰ পিছৰে পৰা সমগ্ৰ তুৰস্কতে অজৰাইল আৰু আমেৰিকা বিৰোধী প্ৰতিবাদৰ ঢৌ উঠিছে। প্ৰতিবাদৰ ফুটেজত দেখা গৈছে যে প্ৰতিবাদকাৰীসকলে আৰক্ষীয়ে স্থাপন কৰা বেৰিকেড বোৰ ভাঙি পেলাইছিল আৰু আৰক্ষীৰ সৈতে সংঘৰ্ষত লিপ্ত হৈছিল।
প্ৰতিবাদকাৰীসকলক আৰক্ষীৰ ওপৰত প্লাষ্টিকৰ চকী, শিল আৰু অন্যান্য সামগ্ৰী নিক্ষেপ কৰা দেখা গৈছিল। আৰক্ষীৰ সৈতে সংঘৰ্ষ হোৱাৰ বাবেই আইএইচএইচ নামৰ সংস্থাটোৱে পৰিকল্পনাতকৈ আগতে ইয়াৰ সমদল সমাপ্ত ঘোষণা কৰিছিল। সোমবাৰে তেওঁৰ তুৰ্কীৰ বিদেশ মন্ত্ৰী হাকান ফিদানৰ সৈতে গাজা সন্দৰ্ভত আলোচনাৰ বাবে ব্লিঙ্কেন আঙ্কাৰাত উপস্থিত হ’ব।
Continue Reading
