আজিকালি জলবায়ু পৰিৱৰ্তন আৰু প্ৰদূষণৰ ফলত শৰীৰৰ যিটো অংশই আটাইতকৈ বেছি প্ৰভাৱিত হৈছে সেয়া হৈছে হাওঁফাওঁ। ক'ৰোনাই হওক বা প্ৰদূষণেই হওক, এই অংশটোৱেই বেছিকৈ প্ৰভাৱিত হয়। যেতিয়া এই অংগটোৰ কাৰ্য্যক্ষমতাত প্ৰভাৱ পৰে, তেতিয়া আমাৰ বাকী অংগবোৰো প্ৰভাৱিত হয় কা

Listen to Article

2 min read

80%

ডিজিটেল ডেস্কঃ আজিকালি জলবায়ু পৰিৱৰ্তন আৰু প্ৰদূষণৰ ফলত শৰীৰৰ যিটো অংশই আটাইতকৈ বেছি প্ৰভাৱিত হৈছে সেয়া হৈছে হাওঁফাওঁ। ক'ৰোনাই হওক বা প্ৰদূষণেই হওক, এই অংশটোৱেই বেছিকৈ প্ৰভাৱিত হয়। যেতিয়া এই অংগটোৰ কাৰ্য্যক্ষমতাত প্ৰভাৱ পৰে, তেতিয়া আমাৰ বাকী অংগবোৰো প্ৰভাৱিত হয় কাৰণ শৰীৰৰ ভিতৰলৈ অক্সিজেন অনাটো হাওঁফাওঁৰ দায়িত্ব। অক্সিজেন কম হলে ইয়াৰ সকলো অংগই সঠিকভাৱে কাম কৰিবলৈ অক্ষম হৈ পৰে। তেওঁলোকে শক্তিৰ অভাৱ অনুভৱ কৰিবলৈ আৰম্ভ কৰে।

শৰীৰত থকা এনজাইম আৰু হৰম’নবোৰে সঠিকভাৱে কাম নকৰে। কেতিয়াবা হাওঁফাওঁত হোৱা সমস্যাৰ বাবে শৰীৰত অক্সিজেনৰ পৰিমাণ কমি যায়। ইয়াৰ ফলত আমাৰ হৃদস্পন্দনো বিঘ্নিত হয়। এই সকলোবোৰ কাৰণতে আমাৰ শাৰীৰিক কাৰ্যকলাপ বহু পৰিমাণে হ্ৰাস পায়। আমি অতি সোনকালে ভাগৰি পৰিবলৈ ধৰো। সহজ ভাষাত ক’বলৈ গ’লে শৰীৰৰ সকলো অংগ, কলা, কোষৰ কাম কৰাৰ ক্ষমতা কমি যায়। সেইবাবেই হাওঁফাওঁ সুস্থ কৰি ৰখাটো অতি প্ৰয়োজনীয়।

হাওঁফাওঁ সুস্থ কৰি ৰাখিবলৈ আমি কি কি খাব লাগে জনাটো অতি প্ৰয়োজন

১) মেথিঃ হাওঁফাওঁ সুস্থ কৰি ৰাখিবলৈ মেথি সেৱন কৰিব লাগে। হাওঁফাওঁ সুস্থ হোৱাৰ বাবে মেথি চাহ খাব পাৰে। মেথি চাহ খালে কফ কমি যায়। হাওঁফাওঁৰ সংক্ৰমণৰ সম্ভাৱনাও কমি যায়। মন কৰিবলগীয়া যে হাঁপানী, ব্ৰংকাইটিছ, ক’ৰোনা ভাইৰাছৰ দৰে ৰোগে হাওঁফাওঁত সংক্ৰমণ ঘটায়। যাৰ ফলত অত্যধিক পৰিমাণত বুকুত কফ জমা হ’বলৈ ধৰে। মেথি চাহ খালে এই সঞ্চিত কফ কোমল হৈ শৰীৰৰ পৰা ওলাই আহে।

২) আপেলঃ খাদ্য বিশেষজ্ঞসকলৰ মতে আপেল খোৱাটো কেৱল চকু আৰু পাচনতন্ত্ৰৰ বাবেই উপকাৰী নহয়, বৰঞ্চ ই হাওঁফাওঁকো ভালদৰে কাম কৰিবলৈ সক্ষম কৰি তোলে। আপেলত থকা এন্টিঅক্সিডেন্ট, ফ্লেভনয়ড আৰু ভিটামিন চিয়ে হাওঁফাওঁৰ কাৰ্য্যক্ষমতা বৃদ্ধি কৰাত গুৰুত্বপূৰ্ণ ভূমিকা পালন কৰে।

৩) বিলাহীঃ বিলাহীত লাইকোপিন নামৰ এবিধ উপাদান থাকে, যাৰ ফলত হাওঁফাওঁ সুস্থ আৰু শক্তিশালী হয়। সেইবাবেই লাইকোপিন সমৃদ্ধ খাদ্য সেৱন কৰাটো হাওঁফাওঁৰ বাবে অতি উত্তম বুলি গণ্য কৰা হয়। বিলাহীৰ উপৰিও গাজৰ, তৰমুজ, অমিতা, মিঠা আলু আৰু সেউজীয়া শাক-পাচলিত লাইকোপিনো থাকে। লাইকোপিনযুক্ত খাদ্যতো কেৰটিনয়ড এন্টিঅক্সিডেন্ট থাকে যিয়ে হাঁপানীৰ সম্ভাৱনা হ্ৰাস কৰে। এইবোৰ সেৱন কৰিলে হাওঁফাওঁৰ কৰ্কট ৰোগ হোৱাৰ সম্ভাৱনাও কমি যায়।

৪) কিচমিচঃ কিচমিছ খালে হাওঁফাওঁ সুস্থ হৈ থাকে। বিশেষকৈ ক’লা কিচমিচ অৰ্থাৎ কিচমিচ সেৱন কৰিলে হাওঁফাওঁৰ স্বাস্থ্যও উন্নত হয়। প্ৰতি নিশা এমুঠি কিচমিচ তিয়াই থব লাগে। তাৰপাছত পুৱা সেইবোৰ খাব লাগে। ইয়াৰ লগে লগে হাওঁফাওঁ সুস্থ হৈ উঠে আৰু লগতে হাওঁফাওঁৰ ৰোগ হোৱাৰ সম্ভাৱনাও কমি যায়।

৫) নহৰুঃ নহৰুৱে বুকুত জমা হৈ থকা কফবোৰ পৰিষ্কাৰ কৰাৰ কাম কৰে। ই হাওঁফাওঁক সঠিকভাৱে কাম কৰাত সহায় কৰিব পাৰে। নহৰুত এন্টিঅক্সিডেন্ট থাকে যিয়ে সংক্ৰমণৰ পৰা ৰক্ষা কৰে আৰু লগতে ৰোগ প্ৰতিৰোধ ক্ষমতাও শক্তিশালী কৰে। সেয়ে নিতৌ নহৰু সেৱন কৰিব লাগে। কেঁচাকৈ বা যিকোনো ব্যঞ্জনত নহৰু দি খাওক।