ডিজিটেল ডেস্কঃ দুৰ্বল হাড়ৰ সমস্যা বহু লোকৰে থাকে আৰু ইয়াৰ মূল কাৰণ - কেলচিয়ামৰ অভাৱক প্ৰায়ে আওকাণ কৰা হয়। ৰাষ্ট্ৰীয় চিকিৎসক দিৱস ২০২২ৰ পূৰ্বে চাওঁক চিকিৎসক আৰু স্বাস্থ্য বিশেষজ্ঞৰ এই সহজ টিপছবোৰ কেনেকৈ আপোনাৰ হাড়বোৰ শক্তিশালী কৰিব পাৰি ৷
আমাৰ হাড়বোৰ অহৰহ সলনি হৈ থাকে — নতুন হাড় তৈয়াৰ হয়, পুৰণি হাড়বোৰ ভাঙি যায় আৰু কেইবাটাও কাৰকে হাড়ৰ স্বাস্থ্যত প্ৰভাৱ পেলাব পাৰে ৷ যেনে আমাৰ খাদ্যত থকা কেলচিয়ামৰ পৰিমাণ, শাৰীৰিক কাৰ্যকলাপ, ধঁপাত আৰু মদ্যপান, লিংগ, ওজন, বয়স, হৰম’নৰ মাত্ৰা, অসুখ আৰু ঔষধ (যেনে ষ্টেৰ’ইড)।
এতিয়া আহক জানো আমি কিদৰে আমাৰ হাড় মজবুত কৰি ৰাখিব পাৰো,
১) ভিটামিন ডিৰ মাত্ৰা কম হোৱা - ভিটামিন ডিৰ মাত্ৰা কম হ’লে আমাৰ শৰীৰে কেলচিয়াম শোষণ কৰিবলৈ অক্ষম হয়, যাৰ ফলত হাড় দুৰ্বল হয়। ভিটামিন ডিৰ অভাৱত পৰিপূৰক আৰু পুষ্টিৰ উন্নতি সাধন কৰি চিকিৎসা কৰিব পাৰি। যিহেতু ভিটামিন ডি এটা চৰ্বিত দ্ৰৱীভূত ভিটামিন, সেয়েহে চৰ্বিৰ স্বাস্থ্যকৰ উৎস যেনে দেশী ঘিউ, গুটি (শন, তিল, চিয়া), বাদাম (আলমণ্ড, কাজু, আখৰোট), নাৰিকল তেল, গোটা কণী, চৰ্বিযুক্ত মাছ আদি খাবলৈ ৰোগীক পৰামৰ্শ দিয়া হয় ৷
২) শাৰীৰিক ব্যায়াম - শাৰীৰিক পৰিশ্ৰমৰ অভাৱেও আপোনাৰ কেলচিয়াম শোষণ কম কৰিব পাৰে। বয়স বৃদ্ধি হোৱাৰ লগে লগে আৰু মহিলাসকলৰ ৰজোনিবৃত্তি হোৱাৰ লগে লগে হাড়বোৰ দুৰ্বল হৈ পৰে। নিয়মীয়া শক্তি প্ৰশিক্ষণে হাড়ৰ স্বাস্থ্য আৰু কেলচিয়াম শোষণ উন্নত কৰাত সহায় কৰিব পাৰে। সপ্তাহত দুবাৰকৈ ব্যায়াম অন্তৰ্ভুক্ত কৰাটো বাঞ্ছনীয়।
৩) আন্ত্ৰিক স্বাস্থ্য আৰু এচিডিটি - আন্ত্ৰিক স্বাস্থ্যৰ উন্নতি আৰু এচিডিটিৰ পৰা হাত সাৰিবলৈ খাদ্য আৰু জীৱনশৈলীৰ প্ৰতি যত্ন লোৱাটো বাঞ্ছনীয়।
৪) কেলচিয়াম সমৃদ্ধ খাদ্য - হাড়ৰ স্বাস্থ্যৰ প্ৰতি লক্ষ্য ৰাখিবলৈ কেলচিয়াম সমৃদ্ধ খাদ্যও আপোনাৰ খাদ্যৰ অংশ হ’ব লাগে। গাখীৰক সাধাৰণতে কেলচিয়ামৰ সমৃদ্ধ উৎস বুলি গণ্য কৰা হয় যদিও ই অন্যথা। ৰাগী, পপি, তিল, চিয়া গুটি, মাখানে, সেউজীয়া পাতৰ শাক-পাচলি আদিও কেলচিয়ামৰ উৎকৃষ্ট উৎস আৰু ই আপোনাৰ হাড় শক্তিশালী কৰাত সহায় কৰিব পাৰে।"
Continue Reading
