কিছুমানে অভিযোগ কৰে যে তেওঁলোকৰ শৰীৰত হঠাতে ঝিনঝিননি অনুভৱ হয়। এনেকুৱা কেতিয়াবা হলে সমস্যা নাই, কিন্তু যদি এইটো প্ৰতিদিনে হ’বলৈ ধৰে তেন্তে ই এক অতি চিন্তাৰ বিষয়। বিশেষজ্ঞসকলৰ মতে কিছুমান বিশেষ ভিটামিনৰ অভাৱ ঘটিলে এনেকুৱা হয়। ভিটামিনৰ অভাৱৰ বাবে স্নায়ুৰ

Listen to Article

2 min read

80%

ডিজিটেল ডেস্কঃ কিছুমানে অভিযোগ কৰে যে তেওঁলোকৰ শৰীৰত হঠাতে ঝিনঝিননি অনুভৱ হয়। এনেকুৱা কেতিয়াবা হলে সমস্যা নাই, কিন্তু যদি এইটো প্ৰতিদিনে হ’বলৈ ধৰে তেন্তে ই এক অতি চিন্তাৰ বিষয়। বিশেষজ্ঞসকলৰ মতে কিছুমান বিশেষ ভিটামিনৰ অভাৱ ঘটিলে এনেকুৱা হয়। ভিটামিনৰ অভাৱৰ বাবে স্নায়ুৰ ক্ষতি আৰম্ভ হয় আৰু পাছত আপুনিও পক্ষাঘাতৰ বলি হ’ব পাৰে। স্নায়ুবোৰ সুস্থ কৰি ৰখাত ভিটামিনৰ ভূমিকা অতি গুৰুত্বপূৰ্ণ। ভিটামিনৰ অভাৱ হলে ঝিনঝিননি অনুভৱ হয়।

বিশেষজ্ঞসকলৰ মতে ভিটামিন বি ১, বি ৬, বি ১২, বি ৯ আৰু ভিটামিন ই ৰ অভাৱত হাত ভৰি ঝিনঝিনায়। কেতিয়াবা এন্টিঅক্সিডেন্টৰ অভাৱতো এনে হয়। ভিটামিন বি ১২ য়ে স্নায়ুসমূহক সুৰক্ষা প্ৰদান কৰে আৰু ইয়াৰ চাৰিওফালে দেহৰক্ষী স্তৰ হিচাপে কাম কৰে। এন্টিঅক্সিডেন্টেও স্নায়ু উন্নত কৰে।

যদিহে ঝিনঝিননিৰ সমস্যাটো এতিয়াও প্ৰাৰম্ভিক পৰ্যায়তে আছে, তেন্তে বিশেষজ্ঞসকলে কয় যে খাই-বৈ খাই ইয়াক প্ৰতিহত কৰিব পাৰি। আপুনি এই খাদ্য সমূহ আপোনাৰ দৈনন্দিন ৰুটিনত অন্তৰ্ভুক্ত কৰিব লাগিব আৰু দৈনিক ব্যায়াম কৰিব লাগিব। ভিটামিন বি ১ৰ বাবে খাদ্যত শস্য, বীন, মচুৰ দাইল, বাদাম আৰু মাংস অন্তৰ্ভুক্ত কৰিব লাগিব।

ভিটামিন বি ৬ৰ বাবে আলু, বাদাম, শস্যজাতীয় খাদ্য, মাছ আৰু কুকুৰাক খাদ্যৰ অংশ কৰি লওক। সেউজীয়া পাতযুক্ত শাক-পাচলি, সূৰ্যমুখী গুটি আৰু কিডনী বিন আদিত প্ৰচুৰ পৰিমাণে ভিটামিন বি ৯ পোৱা যায়। দুগ্ধজাত সামগ্ৰী - গাখীৰ, দৈ, পনিৰ আৰু মাখন ব্যৱহাৰ কৰিব পাৰি ভিটামিন বি ১২ৰ বাবে। ভিটামিন ইৰ বাবে খাদ্যত সূৰ্যমুখী ফুলৰ গুটি, আলমণ্ড আৰু ব্ৰকলি খাব লাগে।

এনেদৰে খাদ্যত গুৰুত্ব দিলে এই সমস্যাৰ পৰা মুক্ত হব পাৰিব। কিন্তু সমস্যা দীঘলীয়া হৈ গৈ থাকিলে চিকিৎসকৰ পৰামৰ্শ লোৱাটো প্ৰয়োজন হ'ব।