হাতত ক’লা দাগ! ভয়ংকৰ ৰোগত আক্ৰান্ত হৈছে নেকি ৰাছিয়াৰ ৰাষ্ট্ৰপতি ভ্লাদিমিৰ পুটিন?

ডিজিটেল ডেস্কঃ শাৰিৰীক অৱস্থা অৱনতি ঘটিছে নেকি ভ্লাদিমিৰ পুটিনৰ? ইউক্ৰেইন যুদ্ধ চলি থকাৰ মাজতে ৰাছিয়াৰ ৰাষ্ট্ৰপতিগৰাকীৰ শাৰিৰীক অৱস্থাক লৈ মাজে মাজে কেতবোৰ খবৰ পোৱা যায়। শেহতীয়াকৈ প্ৰাপ্ত খবৰ অনুযায়ী, ভয়ংকৰ অসুখত ভুগিছে পুটিনে।

ব্ৰিটিছ সংবাদমাধ্যম 'এক্সপ্ৰেছ’ত প্ৰকাশিত এক বাতৰি অনুযায়ী, পুটিনৰ হাতত ক’লা দাগ দেখা গৈছে। পুটিনৰ কেইখনমান শেহতীয়া ছৱিৰ ওপৰত ভিত্তি কৰিয়েই এই বাতৰি প্ৰকাশ কৰা হৈছে।

সামাজিক মাধ্যমত বিয়পি পৰা ফটোকেইখনত পুটিনৰ হাতত ক’লা দাগ স্পষ্টৰূপে দেখা পোৱা গৈছে। বিশ্লেষকসকলৰ মতে, এইসমূহ হৈছে পুটিনৰ হাতৰ ধমনীত দিয়া ইনজেকচনৰ দাগ।

কিন্তু শৰীৰৰ আন অংশসমূহৰ সলনি কিয় হাতত ইনজেকচন দিয়া হ’ল, সেই বিষয়ে ব্যাপক চৰ্চাৰ সৃষ্টি হৈছে। পুটিনক ইমানেই ইনজেকচন দিয়া হৈছে নে যে তেওঁৰ হাতৰ বাদে শৰীৰৰ আন একো অংশ বাকী থকা নাই! ভয়ানক অসুখত ভুগি আছে নেকি পুটিন?

উল্লেখ্য যে কেইমাহমান আগতে আমেৰিকা যুক্তৰাষ্ট্ৰৰ ৰিপ’ৰ্টত দাবী কৰা হৈছিল যে পুটিন কেঞ্চাৰত আক্ৰান্ত হৈছে। একেটা ৰিপ’ৰ্টতে কোৱা হৈছিল যে চলিত বৰ্ষৰে মাৰ্চ মাহত পুটিনক হত্যা কৰিবলৈ পৰিকল্পনা কৰা হৈছিল।

পুটিনৰ বয়স প্ৰায় ৭০ৰ উচৰা-উচৰি। স্বাভাৱিকভাৱেই বাৰ্ধক্যজনিত কিছু অসুস্থতা তেওঁৰ আছে। কিন্তু শেহতীয়াকৈ তেওঁৰ স্বাস্থ্যক লৈ হোৱা চৰ্চাই নতুন উদ্ৰেকৰ সৃষ্টি কৰিছে।