হাতত মাত্ৰ দুসপ্তাহ: কঠোৰ শাস্তিৰ সন্মুখীন হ’ব বিজয় মালিয়া !

ডিজিটেল ডেস্ক: ৰাজ্যসভাৰ প্ৰাক্তন সাংসদ তথা ভাৰতীয় ব্যৱসায়ী বিজয় মালিয়াই অৱমাননাৰ গোচৰত আত্মৰক্ষা কৰিবলৈ অন্তিম সুযোগ লাভ কৰিছে৷ এক শুনানিযোগে কালি ভাৰতৰ উচ্চতম ন্যায়ালয়ে বিজয় মালিয়াক আত্মৰক্ষাৰ শেষ সুযোগ প্ৰদান কৰিছে৷ উচ্চতম ন্যায়ালয়ে যুক্তি দৰ্শাই কয় যে, শাস্তিৰ বিষয়টোত বিজয় মালিয়াক ৰুজু হৈ থকা গোচৰটোত নিজৰ স্থিতি স্পষ্ট কৰাৰ শেষ সুযোগ দিয়া উচিত। উচ্চতম ন্যায়ালয়ে কালি পলাতক ব্যৱসায়ী বিজয় মালিয়াক ব্যক্তিগতভাৱেই হওক অথবা পৰামৰ্শদাতাৰ জৰিয়তে তেওঁৰ বিৰুদ্ধে ৰুজু হৈ থকা অৱমাননাৰ গোচৰত স্থিতি উপস্থাপন কৰিবলৈ দুসপ্তাহৰ অন্তিম সুযোগ প্ৰদান কৰিছে আৰু যদি তেওঁ এই সুযোগ গ্ৰহণ কৰিবলৈ বিফল হয় তেন্তে আদালতে তেওঁ শাস্তি সন্দৰ্ভত চূড়ান্ত সিদ্ধান্ত গ্ৰহণ কৰিব৷ ন্যায়াধীশ ইউইউ ললিতৰ নেতৃত্বত গঠিত এখন বিচাৰপীঠে অৱমাননাৰ গোচৰ স্থগিত কৰি বিষয়টো ২৪ ফেব্ৰুৱাৰীলৈ বাবে স্থগিত ৰাখিছে৷ ন্যায়ালয়ে বিষয়টোত আদালতক সহায় কৰি থকা এমিকাছ কিউৰী আৰু জ্যেষ্ঠ অধিবক্তা জয়দীপ গুপ্তাই যুক্তি দৰ্শাই কয় যে, শাস্তিৰ বিষয়টোত মালিয়াক গোচৰটোত তেওঁৰ স্থিতি লোৱাৰ অন্তিম সুযোগ দিয়া উচিত। যোৱা বছৰ উচ্চতম ন্যায়ালয়ে কৈছিল যে আদালতে যথেষ্ট দীঘলীয়া সময় অপেক্ষা কৰিছে আৰু মালিয়াক ভাৰতলৈ প্ৰত্যাৰ্পণ কৰাৰ বাবে এতিয়া আৰু অধিক অপেক্ষা কৰিব নোৱাৰে৷