ডিজিটেল ডেস্ক : কলেষ্টেৰল হৈছে
এক মাৰাত্মক ৰোগ। কিন্তু এই ৰোগ সন্দৰ্ভত মানুহৰ মাজত সজাগতা এতিয়াও কম। গতিকে দিনকদিনে
এই সমস্যাত আক্ৰান্ত লোকৰ সংখ্যা বৃদ্ধি পাবলৈ ধৰিছে।
বিশেষজ্ঞসকলে কয় যে কলেষ্টেৰল হৈছে তেজত থকা এবিধ পদাৰ্থ। এই পদাৰ্থ শৰীৰৰ বিভিন্ন ৰক্তবাহী নলীত জমা হয়। ফলত কলেষ্টেৰল জমা হোৱা ঠাইলৈ তেজ ভালদৰে চলাচল কৰিব নোৱাৰে। যদি হৃদযন্ত্ৰত এই তেজৰ চলাচল বন্ধ হৈ হাৰ্টএটেকৰ আশংকা বৃদ্ধি কৰে। শৰীৰৰ আন অংশতো কলেষ্টেৰল জমা হ’ব পাৰে। সাধাৰণতে কলেষ্টেৰল দুটা ভাগত বিভক্ত হৈ থাকে। এটা হ’ল এল ডি এল আৰু আনটো এইচ ডি এল। মূলতঃ এল ডি এল কলেষ্টেৰল বৰ বেয়া। আনহাতে, ভাল কলেষ্টেৰল বা এইচ ডি এল থাকে শৰীৰত বেছি হ’লে বিভিন্ন ৰোগৰ সম্ভাৱনা হ্ৰাস পায়।
এই প্ৰসংগত কলকাতাৰ অমৰি হাস্পতালৰ বিশিষ্ট চিকিৎসা বিশেষজ্ঞ ডাঃ ৰুদ্ৰজিৎ পালে কয় যে এই সমস্যা নিতৌ বাঢিছে আৰু অতি কম বয়সতো এই সমস্যাৰ সৃষ্টি হয়। এই ৰোগৰ ৫০ শতাংশ ৰোগীৰ ক্ষেত্ৰত জিনে ভূমিকা পালন কৰে আৰু বাকী ৫০ শতাংশৰ ক্ষেত্ৰত খাদ্যৰ বিশেষ ভূমিকা আছে। গতিকে এই বিষয়ে সাৱধান হোৱাৰ অতি দৰকাৰ।
কিছুমান খাদ্যই কলেষ্টেৰল হ্ৰাস কৰিব পাৰে (Foods for Cholesterol Control), সেইবোৰৰ বিষয়ে জানো আহক-
১. ওটছঃ-ডাঃ পালৰ মতে ওটছ এবিধ অতি উত্তম খাদ্য। এই খাদ্যত প্ৰচুৰ পৰিমাণে দ্ৰৱীভূত আঁহ থাকে। এই আঁহে অন্ত্ৰত কলেষ্টেৰল উৎপাদনত বাধা দিব পাৰে। ফলত কলেষ্টেৰল শৰীৰত প্ৰৱেশ কৰিব নোৱাৰে। গতিকে কলেষ্টেলৰ বাবে এই খাদ্য দৈনিক সেৱন কৰিব পাৰে।
২. মাছঃ-আমি সকলোৱে জানো যে মাছত
যথেষ্ট পৰিমাণে ওমেগা থ্ৰী থাকে। ওমেগা থ্ৰী ফেটি এচিডে বেয়া কলেষ্টেৰল হ্ৰাস কৰাত
সহায় কৰে। সেয়েহে মাছ শৰীৰৰ বাবে অতি উপকাৰী। কিন্তু ডাঙৰ মাছৰ পৰিৱৰ্তে সৰু মাছ বেছি
উপকাৰী।
৩. চয়াবিনঃ- ডাঃ পালৰ মতে চয়াবিনকৈ ভাল খাদ্য
অতি কম। কম খৰচত এই খাদ্য পুষ্টিকৰ। চয়াবিনত প্ৰচুৰ পৰিমাণে প্ৰটিন থাকে। কিন্তু প্ৰটিনৰ
বাহিৰেও এই খাদ্যত কিছুমান উপকাৰী উপাদান আছে। এই পদাৰ্থবোৰক এলকেলয়ড বোলা হয়। ই
কলেষ্টেৰল হ্ৰাস কৰিব পাৰে।
৪. বিভিন্ন ফলঃ- ফল আটাইতকৈ উত্তম খাদ্য। যিকোনো
ফলত প্ৰচুৰ পৰিমাণে এন্টিঅক্সিডেন্ট আৰু ফাইবাৰ থাকে। এই দুটা মিলি শৰীৰত বেয়া কলেষ্টেৰল
হ্ৰাস কৰে। এনে অৱস্থাত সকলো ফল খাব পাৰি। দিনটোত এটাকৈ ফল খোৱা ভাল। কিন্তু এই ক্ষেত্ৰত
কমলা আৰু এভোকেডো ফল অতি উপযোগী। কলেষ্টেৰল হ্ৰাস কৰাত এই দুটা ফল বিশেষভাৱে উপযোগী।
Continue Reading
