কেৱল হাঁপানীয়েই নহয়, প্ৰদূষণৰ ফলত হ’ব পাৰে এই ৫টা ৰোগ

ডিজিটেল ডেস্ক : ক্ৰমবৰ্ধমান প্ৰদূষণৰ বাবে স্বাস্থ্য সম্পৰ্কীয় বহু সমস্যাই উদ্ভৱ হ’ব ধৰিছে। প্ৰদূষণৰ বাবে হাঁপানী আৰু আন বহুতো হাওঁফাওঁৰ ৰোগ হোৱাৰ সম্ভাৱনা বৃদ্ধি পাইছে। অধিকাংশ লোকৰ মতে হাঁপানী কেৱল প্ৰদূষণৰ ফলতহে হয়। সেয়ে তেওঁ আন প্ৰকাৰৰ স্বাস্থ্য সম্পৰ্কীয় সমস্যাক আওকাণ কৰে। কিন্তু প্ৰদূষণৰ বাবে কেৱল হাঁপানী ৰোগেই নহয়, হৃদৰোগ, ছালৰ এলাৰ্জী আৰু চকুৰ ৰোগো হ’ব পাৰে।

 বিশ্ব স্বাস্থ্য সংস্থাৰ প্ৰতিবেদন অনুসৰি বিশ্বজুৰি প্ৰদূষণৰ ফলত প্ৰতি বছৰে ৭০ লাখতকৈ অধিক লোকৰ মৃত্যু হয়। বায়ু মানৰ গুণাগুণৰ অৱনতি ঘটিলে শৰীৰত আন বহুতো ৰোগ সম্ভাৱনা বৃদ্ধি পায়। এই বিষয়ে বিতংভাৱে জানো আহক।

 ১. নিউমোনিয়া:-নিউমোনিয়া এটা সাধাৰণ সমস্যা আৰু ইয়াক সহজে নিয়ন্ত্ৰণ কৰিব পৰা যায়। অধিক প্ৰদূষণৰ বাবে ইয়াৰ ওচৰে-পাজৰে বাস কৰা লোকসকলৰ বাবে নিউমোনিয়া হোৱাৰ সম্ভাৱনা বহু পৰিমাণে বৃদ্ধি পায়।

 ২. ষ্ট্ৰোক:-শেহতীয়া বছৰবোৰত ষ্ট্ৰোকৰ সমস্যাটো যথেষ্ট সাধাৰণ হৈ পৰিছে। ক্ৰমবৰ্ধমান প্ৰদূষণৰ বাবে বহু যুৱক-যুৱতী ষ্ট্ৰোকৰ আশংকাত ভুগিছে।

 ৩. হাওঁফাওঁৰ কেন্সাৰঃ-বিভিন্ন কাৰণত হাওঁফাওঁৰ কৰ্কট ৰোগ হ’ব পাৰে। ইয়াৰ বাহিৰেও বৃদ্ধি পোৱা প্ৰদূষণৰ ফলত মানুহৰ হাওঁফাওঁৰ কৰ্কট ৰোগ হোৱাৰ সম্ভাৱনা বহু পৰিমাণে বৃদ্ধি হয়।

 ৪. হৃদৰোগঃ-বায়ু প্ৰদূষণৰ মাত্ৰা আৰু উষ্ণতা বৃদ্ধিৰ ফলত হৃদৰোগৰ সম্ভাৱনা বহু পৰিমাণে বৃদ্ধি পায়। হৃদৰোগৰ ফলত হৃদযন্ত্ৰ, মগজু আৰু অন্যান্য অংগসমূহলৈ অক্সিজেনৰ অবিৰত যোগান ব্যাহত হৈ পৰে, যাৰ ফলত হাৰ্টএটেকৰ সম্ভাৱনা বৃদ্ধি পায়।

 ৫. ছালৰ সমস্যাঃ-প্ৰদূষণৰ ফলত ছালৰ সমস্যা হোৱাৰ আশংকা থাকে। বিশেষকৈ সৰু ল’ৰা-ছোৱালীৰ ক্ষেত্ৰত এই ধৰণৰ সমস্যা অতি বেছি দেখা যায়। প্ৰদূষণৰ বাবে ছালত ফোহা, খজুৱতি হোৱাৰ সম্ভাৱনা থাকে। ইয়াৰ বাহিৰেও ছালৰ কৰ্কট ৰোগৰ দৰে গুৰুতৰ সমস্যাও হ’ব পাৰে।