ডিজিটেল ডেস্কঃ দেশৰ অন্যতম গুৰুত্বপূৰ্ণ চহৰ হায়দৰাবাদৰ পৰা আহিছে গুৰুত্বপূৰ্ণ৷হায়দৰাবাদ আৰক্ষীয়ে ভিক্ষাৰ দ্বাৰা উপাৰ্জন কৰা ভিক্ষা মাফিয়াৰ ৰেকেটক সফলতাৰে কৰায়ত্ত কৰিছে। হায়দৰাবাদৰ পশ্চিম অঞ্চলৰ উপায়ুক্তই গঠন কৰা বিশেষ টাস্ক ফ’ৰ্চে এই দমন অভিযান চলাই ৮ টা শিশুসহ ২৩ জন ভিক্ষাৰীক উদ্ধাৰ কৰে।
ব্যস্ত যান-বাহন থকা অঞ্চলসমূহত ভিক্ষাবৃত্তি নিয়ন্ত্ৰণ কৰাৰ প্ৰয়াসত আৰক্ষীৰ দলটোৱে ভিক্ষাৰ লগত জড়িত গেঙৰ ওপৰত বিশেষ অভিযান চলায়৷ আৰক্ষীয়ে এক বিবৃতিত কয় যে, "আৰক্ষীয়ে নাবালক ল'ৰা আৰু এজন অভিযুক্ত ভি সূৰ্য প্ৰকাশ নামৰ এজন প্ৰাক্তন ফটোগ্ৰাফাৰক গ্ৰেপ্তাৰ কৰে, যিয়ে ভিক্ষাৰীসকলৰ পৰা ফিল্মচিটী বাছ ষ্টপ আৰু ওচৰৰ বজাৰ কৰা অঞ্চলত প্ৰতিদিনে ১০০০ৰ পৰা ২০০০ টকা সংগ্ৰহ কৰি আছিল।"
আৰক্ষীয়ে গেঙটোৰ পৰা জব্দ কৰে তিনিটা ষ্টীলৰ বাকচ, Phone pay QR codeৰ সৈতে সংযুক্ত এটা স্মাৰ্টফোন উদ্ধাৰ কৰে। আৰক্ষীয়ে জনোৱা মতে, গ্ৰেপ্তাৰ কৰা প্ৰকাশৰ আয়ৰ নিৰ্দিষ্ট উৎস নাছিল৷ তেওঁ পৰিকল্পনা ৰচনা কৰি ওচৰৰ বস্তিৰ পৰা নাবালক ল’ৰাক ফিল্মচিটী বাছষ্টপ আৰু ওচৰৰ বজাৰ কৰা অঞ্চলত সংগঠিত পাৰ্ট টাইম ভিক্ষাৰ বাবে জোৰকৈ নিযুক্তি দিছিল।
টাস্ক ফ’ৰ্চৰ লোকসকলৰ জেৰাত ভিক্ষাৰী কেইজনে প্ৰতিদিনে ১০০০ৰ পৰা ২০০০টকা পৰ্যন্ত উপাৰ্জন কৰে। প্ৰকাশে দিনটোত ৬০০০ টকা পৰ্যন্ত উপাৰ্জন কৰা বুলি কোৱা হৈছিল।হায়দৰাবাদ আৰক্ষীয়ে আন এটা ভিক্ষাৰী চক্ৰক আটক কৰে। হায়দৰাবাদৰ আয়ুক্তৰ টাস্ক ফ’ৰ্চৰ দক্ষিণ-পূব মণ্ডলৰ দলটোৱে মালাকপেট আৰক্ষীৰ সৈতে মিলি এটা ভিক্ষাৰী মাফিয়া গেঙক কৰায়ত্ত কৰে, যিয়ে ঠগ প্ৰৱঞ্চনাৰে দান-বৰঙণিৰ নামত মানুহৰ পৰা ধন বিচাৰিছিল। তিনিজন দালাল আৰু ৭জন ভিক্ষাৰীকে ধৰি ১০জন লোকক গ্ৰেপ্তাৰ কৰে। লগতে আৰক্ষীয়ে তেওঁলোকৰ পৰা দুখন অটোৰিক্সা, ১.৩৮ লাখ টকা আৰু কিছু নথি-পত্ৰ জব্দ কৰে।
Continue Reading
