ডিজিটেল ডেস্কঃ ভয়ংকৰ ঘটনা। শুই থকা অৱস্থাত এগৰাকী যুৱতীৰ কাণত সোমাল এডাল সাপ। হঠাৎ সাৰ পাই উঠিল ছোৱালীজনী। কাণৰ বিষত তেওঁ ছটফটাবলৈ ধৰিলে। দেৰি নকৰি যুৱতীগৰাকী পোনে পোনে ডাক্তৰৰ ওচৰলৈ যায়। ছচিয়েল মিডিয়াত ভাইৰেল হৈছে এই ভিডিঅ’। য'ত এজন চিকিৎসকে ছোৱালীজনীৰ কাণৰ পৰা সাপডাল আঁতৰাবলৈ হাবাথুৰি খাই থকা দেখা গৈছিল।
ভিডিঅ’টোত কাণৰ বাহিৰত কেৱল সাপৰ মুখখনহে দেখা যায়। আৰু বাকীখিনি ছোৱালীজনীৰ কাণৰ ভিতৰত আবদ্ধ হৈ আছে। ডাক্তৰে টুইজাৰৰ দৰে বস্তু এটাৰে সাপটো উলিয়াই আনিবলৈ চেষ্টা কৰে। আৰু ছোৱালীজনীয়ে মনে মনে বহি থাকে। সাপটোৱে কাণত সোমাই বৰ আৰাম নাই পোৱা যেন অনুভৱ হয়, কাৰণ সাপডালেও বাহিৰলৈ ওলাই আহিবলৈ ছটফটাই থকা দেখা যায়।
ছ'চিয়েল মিডিয়াত ভিডিঅ'টো পষ্ট কৰাৰ পাছতেই কমেণ্টৰ বন্যা হবলৈ ধৰে। বিহাৰৰ পাটনাৰ বাসিন্দা চন্দন সিঙে প্ৰথমে এই ভিডিঅ’টো পোষ্ট কৰিছিল। ছ’চিয়েল মিডিয়াত আপলড হোৱা এই ভিডিঅ’টো চাই সকলোৱে ভিন্ন ভিন্ন প্ৰতিক্ৰিয়া প্ৰকাশ কৰিছে। কিন্তু এই ভিডিঅ'টো চাই বুজিব পৰা নাই, ঠিক ক'ত ঘটিল ঘটনাটো? অৱশেষত সাপটো উলিয়াই আনিলে নে নাই সেয়া স্পষ্ট হোৱা নাই। কাণত সম্পূৰ্ণৰূপে সাপ সোমাই যোৱা এনে ঘটনা সঁচাকৈয়ে বিৰল বুলি মন্তব্য কৰিছে অনেক লোকে।
Continue Reading
