ডিজিটেল ডেস্কঃ গালৱান উপত্যকাৰ হিংসাৰ পিছত প্ৰথমবাৰৰ বাবে ভাৰত আৰু চীনৰ সৈন্যবাহিনীয়ে শনিবাৰে নৱবৰ্ষ উপলক্ষে শুভেচ্ছা আৰু মিঠাই বিতৰণ কৰে। দুয়োখন দেশৰ সৈন্যবাহিনীৰ ফিল্ড কমাণ্ডাৰসকলে কাৰাকোৰাম পাছ, ডিবিঅ', চুচুল, ডেমচোক, হট স্প্ৰিং, বটলনাক আৰু পূৱ লাডাখৰ এলএচিৰ কংৰালা অঞ্চলকে ধৰি মুঠ সাতটা স্থানত মিলিত হৈছিল আৰু যোৱা ডেৰ বছৰ দুয়োখন দেশৰ মাজত চলি খকা বিবাদৰ সমাপ্তি ঘটাই দুয়োখন দেশৰ সেনাই নৱবৰ্ষৰ শুভেচ্ছা জনাই। .
পূব লাডাখৰ সাতটা স্থানত আনুষ্ঠানিকভাৱে মিঠাই আৰু শুভেচ্ছাবাৰ্তা জনোৱা উপৰিও ভাৰত আৰু চীনৰ সৈন্যসকলে ছিকিমৰ নাথু লা চেক্টৰ আৰু অৰুণাচল প্ৰদেশৰ বুমলা আৰু ৱাচাই-দামাইত নৱবৰ্ষৰ শুভেচ্ছা আৰু উপহাৰ টোপোলা বিনিময় কৰে। ভাৰতীয় সেনাই এলএচিত নৱবৰ্ষ উপলক্ষে চীনা সেনাৰ সৈতে বৈঠকত মিলিত হোৱাৰ আলোকচিত্ৰ আৰু উপহাৰৰ ছবি সামাজিক মাধ্যমত মুকলি কৰিছে। ছবিবোৰত, দুয়োখন দেশৰ সৈন্যবাহিনীক মাস্ক আৰু পিপিই কিট পিন্ধা দেখা গৈছে।
উল্লেখ্য যে, ২০১৯ চনৰ এপ্ৰিল-মে মাহৰ পৰা এলএচিৰ ওপৰত ভাৰত আৰু চীনৰ সৈন্যবাহিনীৰ মাজত উত্তেজনা চলি আছে। ভাৰতে অভিযোগ কৰিছে যে চীনা সেনাই কৰোনা মহামাৰীৰ সুযোগ লৈ এলএচিৰ বহুতো অঞ্চলত অনুপ্ৰৱেশ কৰাৰ চেষ্টা কৰিছিল। ২০১৯ চনৰ ১৫-১৬ জুনৰ নিশা দুয়োখন দেশৰ সৈন্যবাহিনীৰ মাজত এক হিংসাত্মক সংঘৰ্ষ হৈছিল, য'ত ভাৰতৰ ২০ জন সৈন্য শ্বহীদ হৈছিল। হিংসাত, চীনে স্বীকাৰ কৰিছিল যে চীনৰ পাঁচজন সৈনিকৰ মৃত্যু হৈছিল, যদিও এই সংখ্যা বহুত বেছি আছিল। তেতিয়াৰ পৰা, দুয়োখন দেশৰ মাজত উত্তেজনা যথেষ্ট বৃদ্ধি পাইছিল। কিন্তু যোৱা বছৰ অৰ্থাৎ ২০২০ চনৰ জানুৱাৰীমাহত দুয়োখন দেশৰ সৈন্যবাহিনীৰ মাজত এক বিচ্ছিন্নতা চুক্তি হৈছিল, যাৰ পিছত দুয়োখন দেশৰ সৈন্যই বহু অঞ্চলৰ পৰা প্ৰত্যাহাৰ কৰিছিল।
অৱশ্যে, পূৱ লাডাখত এনে বহুতো বিতৰ্কিত অঞ্চল আছে য'ত দুয়োখন দেশৰ সৈনিকৰ মাজত এতিয়াও সংঘৰ্ষ অব্যাহত আছে্। শুক্ৰবাৰে, ভাৰতীয় প্ৰতিৰক্ষা মন্ত্ৰালয়ে ইয়াৰ বাৰ্ষিক প্ৰতিবেদনত প্ৰকাশ কৰিছিল যে এল.এ.চি.-ৰ সীমান্ত অঞ্চলত সেনা মোতায়েন বৃদ্ধি কৰা হৈছে৷ লগতে, এল.এ.চি.-ৰ আনফালে চীনৰ প্ৰচণ্ড আন্তঃগাঁথনি আৰু পি.এল.এ.-ৰ বৰ্ধিত সংখ্যাৰ প্ৰতি লক্ষ্য ৰাখি, ভাৰতীয় সেনাই পুনৰ্গঠনৰ লগতে ইয়াৰ সামৰিক গাঁথনিত প্ৰয়োজনীয় পৰিৱৰ্তন কৰিছে। প্ৰতিৰক্ষা মন্ত্ৰালয়ৰ মতে, দুয়োখন দেশৰ সৈন্যবাহিনীয়ে এই বিবাদ সমাধানৰ বাবে বিভিন্ন পৰ্যায়ত আলোচনা অব্যাহত আছে।
