ডিজিটেল ডেস্কঃ ডেভিড ৱাৰ্নাৰে ছিডনী ক্ৰিকেট খেলপথাৰত হলিউড তাৰকাৰ দৰে গ্ৰেণ্ড এণ্ট্ৰি মাৰে। তাৰকা অ’পেনাৰগৰাকীয়ে বিগ বেছ লীগ (বিবিএল) ছিডনী ডাৰ্বিৰ বাবে হেলিকপ্টাৰযোগে খেলপথাৰত উপস্থিত হয়।
৩৭ বছৰীয়া ক্ৰিকেটাৰগৰাকীয়ে তেওঁৰ ভাতৃৰ বিয়াৰ পৰা পোনে পোনে হেলিকপ্টাৰত উঠি ষ্টেডিয়ামলৈ আহে। শুকুৰবাৰে ছিডনী ছিক্সাৰছৰ বিৰুদ্ধে ছিডনী থাণ্ডাৰৰ বিবিএলৰ সংঘৰ্ষৰ পূৰ্বে হেলিকপ্টাৰেৰে এছচিজিত টাচ ডাউন কৰে ডেভিদ ৱাৰ্নাৰে। তেওঁৰ বিদায়ী টেষ্টৰ সময়ত "থেংকচ ডেভ"ৰ ল'গ' অংকন কৰা ঠাইৰ ওচৰৰ আউটফিল্ডত অৱতৰণ কৰে।
চেনেল ৭ক ৱাৰ্নাৰে কয় যে, 'মই মনোৰঞ্জন দিব বিচাৰো। মই চেষ্টা কৰিব বিচাৰো আৰু আমাৰ দলটোক পৰৱৰ্তী তিনিখন খেলত জয়ী হোৱাত সহায় কৰিব বিচাৰো।"
অৱশ্যে জুন মাহত অনুষ্ঠিত হ’বলগীয়া টি-২০ বিশ্বকাপৰ পিছত চূড়ান্ত আন্তঃৰাষ্ট্ৰীয় অৱসৰৰ পূৰ্বে সেই ফৰ্মেটত উপলব্ধ হৈ থকাৰ বাবে এতিয়া তেওঁ সেই প্ৰতিযোগিতাখনৰ পৰা উভতি আহি ৱেষ্ট ইণ্ডিজৰ বিৰুদ্ধে টি-২০ শৃংখলাৰ অংশ হ’ব বুলি আশা কৰা হৈছে।
Continue Reading
