ডিজিটেল ডেস্কঃ হলিউডত নিৰ্মাণ হ’ব 'মোদী’। 'মোদী’ নামৰ এই বায়’পিকখনৰ পৰিচালনা কৰিব হলিউডৰ যশস্বী অভিনেতা জনী ডেপে। সম্পূৰ্ণ ২৫ বছৰৰ পাছত পুনৰ পৰিচালক হিচাপে ঘূৰি আহিছে 'পাইৰেটছ অৱ কেৰিবিয়ান’ৰ অভিনেতাজন।
ছৱিখনত ইটালীৰ শিল্পী আমেডিও মোদীগিলানিৰ জীৱন কাহিনী প্ৰদৰ্শন কৰা হ’ব। উল্লেখ্য যে শিল্পী মোদীগিলানিক চমুকৈ ‘মোদি’ হিচাপে জনা গৈছিল
ছবিখনত বিভিন্ন চৰিত্ৰত অভিনয় কৰা শিল্পীসকলৰ নামো ঘোষণা কৰিছে পৰিচালকগৰাকীয়ে। গুৰুত্বপূৰ্ণ চৰিত্ৰ ৰূপায়ন কৰিব কিংবদন্তি অভিনেতা আল পেচিনোৱে।
ইটালীৰ অভিনেতা ৰিকাৰ্ডো স্কামাৰ্চিঅ’ই মোদিৰ চৰিত্ৰত অভিনয় কৰিব। ‘জন উইক: চেপ্টাৰ ২’, ‘দ্য বেষ্ট অৱ ইউথ’ আৰু ‘ল’ৰ’ ছবিত তেওঁৰ অভিনয়ে দৰ্শকৰ মনত এটা সাঁচ বহুৱাই থৈ গৈছে।
জনিয়ে ছবিখন পৰিচালনা কৰাই নহয়, আল পেচিনো আৰু বেৰী নাভিডিৰ সৈতে সহ-প্ৰযোজনাও কৰিছে। কেইমাহমানৰ পিছত বুডাপেষ্টৰ শ্বুটিং ফ্ল’ৰত পৰিচালক হিচাপে দেখা যাব জনিক।
১৯৯৭ চনত জনিয়ে শেষবাৰৰ বাবে পৰিচালনা কৰিছিল ‘দ্য ব্ৰেভ’। লগতে নিজেই অভিনয়ো কৰিছিল।
Continue Reading
