ডিজিটেল ডেস্কঃ অৱশেষত জীৱন যুদ্ধত হাৰ মানিলে লোকজনে৷ ছয়গৰাকীকৈ মহিলাক বিয়া পাতি ৫৪ টা সন্তান জন্ম দিয়া পাকিস্তানৰ হাজী আব্দুল মজিদ মেংগলৰ যোৱা নিশা মৃত্যু হয়। পাকিস্তানৰ সংবাদ মাধ্যমৰ বাতৰি অনুসৰি হৃদৰোগত আক্ৰান্ত হৈ তেওঁৰ মৃত্যু ঘটে।
আব্দুল মজিদ মংগলৰ বয়স প্ৰায় ৭৫ বছৰ হৈছিল আৰু তেওঁ এজন ট্ৰাক চালক আছিল। আব্দুল মজিদ মেংগল আফগানিস্তানৰ সীমান্তৰ বেলুচিস্তানৰ নশ্কি জিলাৰ কালী মঙ্গল গাঁৱৰ বাসিন্দা আছিল।
মেংগলৰ বৰ্তমান ৪২ টা সন্তান আৰু চাৰিগৰাকী পত্নী আছে। ইতিমধ্যে তেওঁৰ ১২ টা সন্তান আৰু দুগৰাকী পত্নীৰ মৃত্যু হৈছে। হাজী আব্দুলৰ সন্তানৰ ভিতৰত আছে ২২ টা ল'ৰা আৰু ২০ গৰাকী ছোৱালী। যদি নাতি-নাতিনী যোগকৰা হয় গোটেই পৰিয়ালটোৰ সদস্য সংখ্যা ১৫০ হ’ব৷ আব্দুল মজিদ মেংগলে ১৮ বছৰ বয়সত প্ৰথমবাৰৰ বাবে বিবাহপাশত আৱদ্ধ হৈছিল।
আব্দুল মজিদ আৰু তেওঁৰ পৰিয়ালৰ কথা ২০১৭ চনত পাকিস্তানত হোৱা লোকপিয়লৰ সময়ত পোহৰলৈ আহিছিল৷ হাজীৰ গাওঁখন আফগানিস্তানৰ সীমান্তৰ ওচৰৰ কোৱেটাৰ পৰা ১৩০ কিলোমিটাৰ দূৰৈত অৱস্থিত।
Continue Reading
