ডিজিটেল ডেস্ক : শৰীৰ সুস্থ কৰি ৰাখিবলৈ সকলো ভিটামিনৰ প্ৰয়োজন।যিকোনো এবিধ ভিটামিনৰ অভাৱ হ'লেই শৰীৰ দুৰ্বল হোৱাৰ লগতে ইয়াৰ লগত জড়িত ৰোগবোৰ হ’বলৈ আৰম্ভ কৰে। শৰীৰক সুস্থ কৰি ৰাখিবলৈ তেনে এক অপৰিহাৰ্য খনিজ পদাৰ্থ হ’ল-ভিটামিন-বি১২। যদি শৰীৰত ভিটামিন-বি১২ কমি যায় তেন্তে ৰোগ প্ৰতিৰোধ ক্ষমতাতো প্ৰভাৱ পেলায়। মগজুক সুস্থ কৰি ৰখা আৰু শৰীৰত ৰক্তকণিকা আৰু ডিএনএ উৎপন্ন কৰাৰ বাবে ভিটামিন-বি১২ অতি প্ৰয়োজন। স্নায়ু সম্পৰ্কীয় ৰোগ নিৰাময়ৰ বাবেও ভিটামিন-বি১২ প্ৰয়োজন। ভিটামিন-বি১২ৰ অভাৱত দুৰ্বলতা আৰু ৰক্তহীনতাৰ দৰে সমস্যাৰ সৃষ্টি হ’ব পাৰে। এনে পৰিস্থিতিত কিছুমান খাদ্য সামগ্ৰীৰে ভিটামিন-বি১২ৰ অভাৱ পূৰণ কৰিব পাৰি।
ভিটামিন-বি১২ৰ মূল উৎস-
* নন-ভেজ খায় তেন্তে আপোনাৰ বাবে ভিটামিন-বি১২ৰ বহু উৎস আছে। কুকুৰা, মাংস আৰু মাছৰ পৰা ভিটামিন-বি১২ লাভ কৰিব পাৰি।
* কণীত যথেষ্ট পৰিমাণৰ ভিটামিন-বি১২ আৰু ভিটামিন বি-২ পোৱা যায়। যদি আপুনি দিনটোত দুটা কণী খায় তেন্তে ই দৈনিক প্ৰয়োজনীয় ৪৬ শতাংশ পূৰণ কৰে।
* দুগ্ধজাত সামগ্ৰীতো ভিটামিন-বি১২ পোৱা যায়। সেয়েহে ইয়াৰ বাবে আপুনি দুগ্ধজাত সামগ্ৰী যেনে-গাখীৰ, দৈ আৰু পনীৰ খাব পাৰে।
* ভিটামিন-বি১২ৰ অভাৱ দূৰ কৰিবলৈ আলমণ্ড, কাজু, অটছ আৰু নাৰিকলৰ গাখীৰ সেৱন কৰিব পাৰে।
* নিৰামিষভোজী লোকৰ বাবেও ভিটামিন-বি১২ৰ অভাৱ পূৰণৰ বাবে চয়াবিন এক উত্তম উৎস। চয়াবিনত ভিটামিন-বি১২ প্ৰচুৰ পৰিমাণে পোৱা যায়।
Continue Reading
