ডিজিটেল ডেস্কঃ এটা ব্যস্ত ৰাস্তা কোনো কাৰণ নোহোৱাকৈ ফাট মেলি ভিতৰলৈ সোমাই গ’ল। হঠাতে ঘটা এনে অঘটনত ৰাইজৰ মাজত হাহাকাৰ লাগিল। তেলেংগানাৰ ৰাজধানী হায়দৰাবাদত ঘটিছে এই ঘটনা। শুকুৰবাৰে হঠাৎ ব্যস্ত ৰাস্তাটো ফাটি যোৱাত ৰাস্তাত ৰখাই থোৱা গাড়ী-বাইক আদি ভিতৰত সোমাই যায়। ঘটনাটো পোহৰলৈ অহাৰ লগে লগে মানুহবোৰ ইফালে সিফালে দৌৰিবলৈ ধৰিলে।
ঘটনাটো হায়দৰাবাদৰ গোছামহল বিধানসভাৰ। ইয়াৰ চন্দনৱাড়ী অঞ্চলত এটা নলাৰ গাতে লাগি থকা এটা ৰাস্তা হঠাৎ ফাটি গ’ল৷ তাত থকা বহু বাহন ক্ষতিগ্ৰস্ত হোৱাৰ লগতে এই ঘটনাত তিনিজন লোক সামান্যভাৱে আহত হৈছে। অৱশ্যে ইয়াৰ বাহিৰে কোনো ধৰণৰ হতাহতিৰ খবৰ পোৱা নাই।
ঘটনাৰ পিছত আতংকৰ সৃষ্টি হোৱাত মানুহে ইজনে সিজনক ৰক্ষা কৰিবলৈ আৰম্ভ কৰে। ঘটনা সন্দৰ্ভত তথ্য লাভ কৰাৰ লগে লগে আৰক্ষীৰ এটা দল আৰু বৃহত্তৰ হায়দৰাবাদ পৌৰ নিগমৰ বিষয়াসকল সেই স্থানত উপস্থিত হয়। লগে লগে তেওঁলোকে পৰিস্থিতি নিয়ন্ত্ৰণ কৰি ৰাইজক বুজাই দিলে যে নলা ডুব যোৱাৰ বাবেই এই ঘটনা সংঘটিত হৈছে। এই পথটো নলাটোৰ ওপৰত নিজেই নিৰ্মাণ কৰা হৈছিল।
আৰক্ষীৰ দল আৰু পৌৰসভাৰ বিষয়াসকলে বিষয়টোৰ তদন্ত কৰি আছে। বৰ্তমান পৰিস্থিতি নিয়ন্ত্ৰণলৈ আনিছে। বাহনবোৰ ৰাইজে মিলিজুলি উলিয়াই আনিছে। বৰ্তমান এই ঘটনাৰ ভিডিঅ’ ছচিয়েল মিডিয়াত ভাইৰেল হৈ পৰিছে।
Continue Reading
