ডিজিটেল ডেস্কঃ শ্বাহৰুখ আৰু গৌৰী খানৰ কন্যা সুহানা খানে নীলা-সেউজীয়া সাগৰৰ সিপাৰে বহি দূৰ দিগন্তলৈ চাই আছে। গাখীৰৰ দৰে বগা বিকিনি পিন্ধি ৰ’দত জিৰাইছে সুহানাই। সেই ছবিখন দুপৰীয়াৰ পৰা নেট জগতত ভাইৰেল হৈ আছিল। চুহানাক চুটি পোছাকত পিছফালৰ পৰা দেখি অনুৰাগীসকল উৎফুল্লিত হৈ পৰিছিল।
কিন্তু সুহানাক লৈ বিৰূপ মন্তব্যও কৰিব ধৰিলে অনেকে। কোনো কোনোৱে মন্তব্য কৰিলে- “ইছলামত এনেধৰণৰ সাজ-পোছাক নিষিদ্ধ!” আন কোনোবাই লিখিছে- "সুহানাও দাদা আৰিয়ানৰ দৰেই বিপথে পৰিচালিত হ'ল।"
কিন্তু ভুলটো ভাঙিবলৈ কাৰো বেছি সময় নালাগিল। ভাইৰেল ছবিখন আচলতে সুহানাৰ নহয়, দক্ষিণৰ অভিনেত্ৰী শনৱী শ্ৰীবাস্তৱৰহে। ‘মাষ্টাৰপিছ’, ‘মুফতি’ৰ দৰে বহু কানাড়া ছবিত তেওঁক দেখা গৈছে। তাইক পিছফালৰ পৰা চুহানাৰ দৰে দেখা বুলি ভুল কৰিছিল।
পিছত শেহতীয়াকৈ শ্বানভিয়ে নিজৰ ফটো নেটডুনিয়াত শ্বেয়াৰ কৰে। তেওঁ অৱসৰ বিনোদন কটাবলৈ বহিঃৰাষ্ট্ৰলৈ গৈছিল, ছবিখন তাৰ পৰাই তোলা।
উল্লেখ্য যে তাৰকা সন্তান সুহানাৰ ইতিমধ্যে বিপুল অনুৰাগী আছে। নিয়মিতভাৱে ছবি আৰু ভিডিঅ’ পোষ্ট কৰি তেওঁলোকৰ মনোযোগৰ কেন্দ্ৰবিন্দুত থাকে সুহানা। পিতৃৰ পদাংক অনুসৰণ কৰি কন্যাইও অভিনয়ত ভৰি দিছে। শীঘ্ৰে বলীউডত অভিষেক ঘটাবলৈ গৈ আছে জ’য়া আখতাৰৰ ‘দ্য আৰ্চিজ’ত। বছৰৰ শেষৰ ফালে অ’টিটিত মুক্তি পাব এই মিউজিকেলখন।
Continue Reading
