ডিজিটেল ডেস্কঃ দুৰ্বৃত্তৰ ছুৰীৰে আঘাতৰ ফলত তেওঁৰ এটা চকুৰ দৃষ্টিশক্তি হেৰাইছে। এটা বাহু স্থায়ীভাৱে অক্ষম হৈছে। ডিঙিৰ স্নায়ুটো আঘাত পৰিছে। তথাপিতো অদম্য ছলমান ৰুশ্বদী। ভাৰতীয় মূলৰ লেখকগৰাকীয়ে হাৰ মানিবলৈ ইচ্ছুক নহয়। নিউয়ৰ্কত লেখকগৰাকীৰ ওপৰত আক্ৰমণ সংঘটিত হোৱাৰ ৯ মাহ পিছত তেওঁ ৰাজহুৱাভাৱে এই বাৰ্তা প্ৰদান কৰে।
যোৱা বছৰৰ ১২ আগষ্টত নিউয়ৰ্কত গ্ৰন্থ উন্মোচনী অনুষ্ঠানত তেওঁক আক্ৰমণ কৰা হৈছিল। বৃহস্পতিবাৰে আমেৰিকাৰ একেখন চহৰতে অনুষ্ঠিত হোৱা এক অনুষ্ঠানত পুনৰ ৰাজহুৱা স্থানত উপস্থিত হয় বুকাৰ বিজয়ী লেখকগৰাকী।
তাত তেওঁ কয়- ''সন্ত্ৰাসবাদে যাতে আমাক ভয় নুখুৱায়। হিংসাই যাতে কাৰো মুখ বন্ধ নকৰে। যুঁজ চলি থাকিব লাগিব। সংগ্ৰাম চলি থাকিব।”
উল্লেখ্য যে ইৰাণৰ বৰ্তমানৰ ধৰ্মগুৰু আলী খোমেইনীৰ পূৰ্বসূৰী আয়াতুল্লাহ খোমেইনীৰ দিনত ‘চয়তানী পদ্য’ উপন্যাসখন লিখাৰ ‘অপৰাধ’ৰ বাবে আশীৰ দশকত ৰুছদিৰ বিৰুদ্ধে ‘মৃত্যুৰ ফতোৱা’ জাৰি কৰা হৈছিল। তাৰপাছতে লেখকগৰাকী এদশকৰো অধিক সময় আত্মগোপন কৰিবলগীয়া হৈছিল।
যোৱা আগষ্ট মাহত হাদী মাতাৰ নামৰ এজন যুৱকে তেওঁক ৰাজহুৱা স্থানত দাৰে হেক কৰিছিল। হাদী এতিয়া আমেৰিকাৰ জেলত। কিন্তু ইৰাণ চৰকাৰে তেওঁৰ নামত এক বৃহৎ পুৰস্কাৰ ঘোষণা কৰিছে।
Continue Reading
