ডিজিটেল ডেস্ক: লোকসভা নিৰ্বাচনৰ পূৰ্বে ‘ইণ্ডিয়া’ মিত্ৰজোঁটৰ অন্যতম অংশীদাৰ নেচনেলিষ্ট কংগ্ৰেছ পাৰ্টিত সৃষ্টি হৈছে সংকট৷ দল এৰিছে বিয়াগোম নেতাই৷ শাৰদ পাৱাৰক সংগ এৰিছে এনচিপিৰ জ্যেষ্ঠ নেতাই৷ একাংশ নেতাই এনচিপি ত্যাগ কৰা সন্দৰ্ভকত এতিয়া মুখ খুলিছে দলটোৰ মুৰব্বী শাৰদ পাৱাৰে৷
পাৱাৰে কয় যে তেওঁৰ দলৰ কিছু সদস্যই কেন্দ্ৰীয় সংস্থাসমূহৰ পৰা নিজকে বচাবলৈ দলত্যাগ কৰিছে৷ বিদ্ৰোহী বিধায়কৰ দলটোৰ নেতৃত্ব দিয়া অজিত পাৱাৰে বিজেপি-শিৱসেনা চৰকাৰত যোগদান কৰি এনচিপিক বিভক্ত কৰে আৰু যোৱামাহত মহাৰাষ্ট্ৰৰ উপ-মুখ্যমন্ত্ৰী হিচাপে শপত লয়। ভতিজাৰ নাম নোলোৱাকৈ শাৰদ পাৱাৰে কয়, উন্নয়নৰ কাৰণে চৰকাৰৰ অংশ হ'ব বিচৰা বুলি তেওঁ কৰা দাবী সঁচা নহয়। তেওঁলোকে নিজকে বচাবলৈ চাপত পৰিহে যোগদান কৰিছে।
শাৰদ পাৱাৰে ৰাজ্য চৰকাৰক মহাৰাষ্ট্ৰত সাধাৰণ মানুহে সন্মুখীন হোৱা সমস্যাবোৰৰ প্ৰতি মনোযোগ দিবলৈ পৰামৰ্শ দিছিল। ২ জুলাইত অজিত পাৱাৰে ৰাজ্যখনৰ একনাথ চিন্দে-দেৱেন্দ্ৰ ফাডনাভিছ চৰকাৰত যোগদান কৰি আৰু নেচনেলিষ্ট কংগ্ৰেছ পাৰ্টি বিভাজন কৰি মহাৰাষ্ট্ৰৰ উপ-মুখ্যমন্ত্ৰী হিচাপে শপত গ্ৰহণ কৰে। মহাৰাষ্ট্ৰ বিধানসভাৰ বিৰোধী দলৰ নেতা শাৰদ পাৱাৰৰ ভতিজা অজিত পাৱাৰে তেওঁৰ পদৰ পৰা পদত্যাগ কৰি এনচিপিৰ আন আঠজন বিধায়কৰ সৈতে বিজেপি-শিৱসেনা মিত্ৰতাত যোগদান কৰিছিল৷
Continue Reading
