ডিজিটেল ডেস্ক: পুনৰ সংবাদ শিৰোনামত পুলৱামা৷ জম্মু-কাশ্মীৰৰ পুলৱামা জিলাত দেওবাৰে নিৰাপত্তাৰক্ষী আৰু উগ্ৰপন্থীৰ মাজত সৃষ্টি হয় সংঘৰ্ষৰ৷
লাৰো-পাৰিগাম অঞ্চলত চলিছিল এই সংঘাত৷ কাশ্মীৰ জ’ন পুলিংচে এক্সত সদৰী কৰা তথ্যানুসৰি পুলৱামাৰ লাৰো-পৰিগাম অঞ্চলত এনকাউণ্টাৰ আৰম্ভ হৈছে। আৰক্ষী আৰু সুৰক্ষা বাহিনী কৰ্তব্যত নিয়োজিত হৈ আছে৷
ৰাজৌৰী জিলাত সংঘৰ্ষত এজন সন্ত্ৰাসবাদী নিহত হোৱাৰ দুসপ্তাহ পাছত সংঘটিত হৈছে এই এনকাউণ্টাৰৰ৷ চোৰাংচোৱাৰ গোপন সূত্ৰৰ আধাৰত ৫ আগষ্টত সেনাৰ ৰাষ্ট্ৰীয় ৰাইফলছ আৰু জে এণ্ড কে আৰক্ষীৰ দ্বাৰা এক যুটীয়া অভিযান আৰম্ভ কৰা হৈছিল।
৫ আগষ্টৰ অভিযান আৰম্ভ হোৱাৰ এদিন পূৰ্বে জম্মু-কাশ্মীৰৰ কুলগাম জিলাত উগ্ৰপন্থীৰ সৈতে সংঘৰ্ষত তিনিজন সেনা জোৱান নিহত হয়।
এজন আৰক্ষী বিষয়াই কৈছিল যে দক্ষিণ কাশ্মীৰৰ কুলগাম জিলাৰ হালান বনাঞ্চলৰ ওখ অঞ্চলত উগ্ৰপন্থীৰ উপস্থিতিৰ তথ্য পোৱাৰ পিছত নিৰাপত্তাৰক্ষীয়ে এটা বেষ্টনী আৰু তালাচী অভিযান আৰম্ভ কৰিছিল।
আৰক্ষীয়ে লগতে কৈছিল যে উগ্ৰপন্থীসকলে নিৰাপত্তাৰক্ষীৰ ওপৰত গুলীচালনা কৰাৰ পাছত তালাচী অভিযান এনকাউণ্টাৰলৈ ৰূপান্তৰিত হৈছিল৷ শেহতীয়া এই এনকাউণ্টাৰত তিনিজন সুৰক্ষা বাহিনীৰ জোৱান আহত হয়। চিকিৎসাৰ সময়ত তিনিওজন সেনা জোৱানে আঘাতপ্ৰাপ্ত হৈ মৃত্যুবৰণ কৰে৷
Continue Reading
