ডিজিটেল ডেস্কঃ ছ’চিয়েল মিডিয়াত এতিয়া ব্যাপক ট্ৰলৰ সন্মুখীন হৈছে অভিনেত্ৰী অদা শৰ্মা। তেওঁৰ দোষ হ’ল তেওঁ ইফতাৰ পাৰ্টী এটাত অংশগ্ৰহণ কৰিছিল। অভিনেত্ৰীগৰাকী তেওঁৰ ছবি 'বস্তাৰ: দ্য নক্সাল ষ্টৰী'ৰ বাবে বাতৰিৰ শিৰোনামত আছে। ইয়াৰ পূৰ্বে তেওঁ 'দ্য কেৰালা ষ্টৰী' ছবিখনত তেওঁৰ চৰিত্ৰটোৰ বাবে সংবাদ শিৰোনাম দখল কৰিছিল। এনে সময়তে অভিনেত্ৰাগৰাকী আকৌ এবাৰ বাতৰিৰ শিৰোনামলৈ আহিছে। প্ৰকৃততে, অদাই মুম্বাইত ৰাজনীতিক বাবা চিদ্দিকীৰ ইফতাৰ পাৰ্টিত উপস্থিত আছিল। 
সেইবাবেই বহুতে তেওঁক সমালোচনা কৰিছে। অনুৰাগীসকলে তেওঁক ব্যাপক হাৰত ট্ৰ'ল কৰি আছে। এজন ব্যৱহাৰকাৰীয়ে এক্সত লিখিছে , 'অদা ইমান প্ৰৱঞ্চক! সাধাৰণ সময়ত মুছলমানসকল এই লোকসকলৰ বাবে বেয়া। তেওঁলোকৰ বিৰুদ্ধে ঘৃণামূলক চলচ্চিত্ৰ নিৰ্মাণ কৰা হয়, কিন্তু ৰমজানত, মুছলমানসকল এই লোকসকলৰ বাবে মহান হৈ পৰে কিয়নো তেওঁলোকক বিৰিয়ানীৰ বাবে আমন্ত্ৰণ জনোৱা হয়।"
ব্যৱহাৰকাৰীৰ পোষ্টৰ সঁহাৰি দি অদাই লিখিছে, "সন্ত্ৰাসবাদীসকল খলনায়ক, মুছলমান নহয়।" উল্লেখ্য 'দ্য কেৰালা ষ্টৰী' ত অদাই কৰা অভিনয়ক বহুতে প্ৰশংসা কৰিছিল। ছবি খনত ধৰ্মান্তৰকৰণৰ কথা ফুটাই তোলা হৈছিল।
Continue Reading
