ডিজিটেল ডেস্কঃ ইজৰাইলত সন্ত্ৰাসবাদী সংগঠন হামাছৰ আক্ৰমণৰ পাছত আৰম্ভ হোৱা যুদ্ধই বহু ক্ষতিসাধন কৰিছে। ইফালে আমেৰিকাৰ সংগীতজ্ঞ ব্ৰুনো মাৰ্ছে পৰিস্থিতিৰ প্ৰতি লক্ষ্য ৰাখি নিজৰ কনচাৰ্ট বাতিল কৰিছে। অৱশ্যে ইয়াৰ পাছতো তেওঁ বহুদিন তাত আবদ্ধ হৈ আছিল যদিও এতিয়া তেওঁ ইজৰাইলৰ পৰা যাবলৈ সক্ষম হৈছে আৰু নিৰাপদে নিজৰ দেশলৈ উভতি আহিছে।
এটা স্থানীয় ইজৰাইলী সংবাদমাধ্যমৰ ডিজিটেল পোষ্টটোৰ কেপচনত লিখিছে, "যুদ্ধৰ বাবে শ্ব'টো বাতিল হোৱাৰ পাছত ব্ৰুনো মাৰ্ছে আজি বিয়লি ২ বজাত ৬০ জন ক্ৰু মেম্বাৰৰ সৈতে ইজৰাইল এৰিছে। তেওঁ এথেন্সলৈ আৰু তাৰ পৰা কাটাৰলৈ উৰা মাৰিছে।" আমেৰিকা যুক্তৰাষ্ট্ৰৰ পৰ্টেল ডেডলাইনৰ তথ্য অনুসৰি বুধবাৰে ইজৰাইলত প্ৰথমবাৰৰ বাবে ব্ৰুনো-এ নিজৰ অনুষ্ঠান প্ৰদৰ্শন কৰে। খবৰ অনুসৰি দেওবাৰে নিশা কাটাৰত ব্ৰুনো মাৰ্ছে অনুষ্ঠান পৰিৱেশন কৰাৰ কথা আছিল।
শনিবাৰে পুৱা প্ৰায় ৬:৩০ বজাত (স্থানীয় সময় অনুসৰি) গাজাৰ পৰা ইজৰাইল অভিমুখে ৰকেট আক্ৰমণ আৰম্ভ হয় আৰু টেল আভিভ, ৰেহভট, গেডেৰা আৰু আচকেলনকে ধৰি কেইবাখনো চহৰত ৰকেট আক্ৰমণ আৰম্ভ হয়।ইয়াৰ পাছত গাজা ষ্ট্ৰিপৰ পৰা ইজৰাইলত প্ৰৱেশ কৰি হামাছৰ বহু সন্ত্ৰাসবাদীয়ে ইজৰাইলৰ চহৰসমূহ দখল কৰে। হামাছৰ সামৰিক অধিনায়ক মহম্মদ আল ডেইফে এই অভিযানক “আল-আকছা ফ্লাড” বুলি অভিহিত কৰি কয় যে ইজৰাইলৰ এই আক্ৰমণ মহিলাৰ ওপৰত আক্ৰমণ, জেৰুজালেমৰ আল-আকছা মছজিদ অপবিত্ৰ কৰা আৰু গাজাক চলি থকা ঘেৰাওৰ প্ৰতি সঁহাৰি জনাইছে।
ইফালে, বাতৰি অনুসৰি হামাছ সন্ত্ৰাসবাদী সংগঠনে ইজৰাইলৰ ওপৰত বহুমুখী আক্ৰমণত মৃত্যুৰ সংখ্যা এতিয়া ৩০০ অতিক্ৰম কৰিছে আৰু বৃদ্ধি পোৱাৰ সম্ভাৱনা আছে। এই আক্ৰমণত ১৫০০ৰো অধিক লোক আহত হৈছে। খবৰ অনুসৰি শনিবাৰে পুৱা গাজাৰ পৰা পেলেষ্টাইনী সন্ত্ৰাসবাদীয়ে ইজৰাইলত প্ৰৱেশ কৰি সাধাৰণ নাগৰিকক আক্ৰমণ কৰে।
Continue Reading
