ডিজিটেল ডেস্ক: বৰ্তমান ইলন মাস্ক বিশ্বৰ আটাইতকৈ ধনী ব্যক্তি। তেওঁ এক্স (টুইটাৰ)ৰ দৰে বহু বৃহৎ আৰু আন্তঃৰাষ্ট্ৰীয় কোম্পানী টেছলা আৰু স্পেচএক্সৰ স্বত্বাধিকাৰ ৷ আপোনাৰো মন যায় নে ইলন মাস্কৰ কোম্পানীত কাম কৰিবলৈ ? ইয়াৰ বাবে কি কি অৰ্হতা লাগিব সবিশেষ জানো আহক ৷
আচলতে ইলন মাস্কক তেওঁৰ এটা কোম্পানীৰ বাবে এআই প্ৰশিক্ষক প্ৰয়োজন। ইলন মাস্কে তেওঁৰ আৰ্টিফিচিয়েল ইনটেলিজেন্স (এআই) কোম্পানী xAI ৰ বাবে এআই প্ৰশিক্ষকৰ সন্ধান কৰি আছে। এক প্ৰতিবেদন অনুসৰি ইলন মাস্কৰ এই এআই কোম্পানীত কৰ্মৰত এআই প্ৰশিক্ষকসকলে ভাৰতীয় টকাত প্ৰতি ঘণ্টাত ৫০০০ টকা লাভ কৰিব।
এই চাকৰিসমূহৰ বাবে প্ৰাৰ্থীসকলে এই ভাষাসমূহৰ ভিতৰত কমেও দুটা ভাষা জানিব লাগিব, য’ত কোৰিয়ান, ভিয়েটনামী, চীনা, জাৰ্মান, ৰাছিয়ান, ইটালীয়, ফৰাচী, আৰবী, ইণ্ডোনেছিয়ান, তুৰ্কী, হিন্দী, পাৰ্চী, স্পেনিছ আৰু পৰ্তুগীজ আদি ভাষা অন্তৰ্ভুক্ত।
এই চাকৰিৰ বাবে এআই প্ৰশিক্ষকসকলক প্ৰতি ঘণ্টাত ৩৫-৬৫ ডলাৰ অৰ্থাৎ প্ৰায় ৫০০০ টকা দৰমহা দিয়া হ’ব আৰু এই চাকৰিবোৰ দূৰৱৰ্তী আৰু পূৰ্ণকালীন হ’ব।
ইলন মাস্কৰ লক্ষ্য হৈছে xAI দ্ৰুতগতিত বিকশিত কৰা আৰু বিশ্বব্ৰহ্মাণ্ডৰ বিষয়ে বুজাবুজি বৃদ্ধি আৰু উন্নত কৰা। ইয়াৰ বাবে তেওঁ ছ’চিয়েল মিডিয়া এক্সত তেওঁৰ জেনেৰেটিভ এআই প্ৰগ্ৰেম গ্ৰ’ক আৰম্ভ কৰিছে, য’ত ৰাজহুৱা টুইটসমূহ ডাটা প্ৰশিক্ষণৰ বাবে ব্যৱহাৰ কৰা হ’ব।
উল্লেখ্য যে এইটো প্ৰথম কোম্পানী নহয়, যিয়ে ইংৰাজী ভাষাৰ বাবে দ্ৰুতগতিত ডাটা এনোটেটৰ নিযুক্তি দিছে। ইয়াৰ পূৰ্বে স্কেল এআইয়েও বাংলা আৰু উৰ্দুৰ দৰে ভাষাৰ বাবে ৬০টাতকৈও অধিক চাকৰিৰ বিজ্ঞাপন দিছিল, কাৰণ এই ভাষাসমূহত ইণ্টাৰনেটত লিখিত বিষয়বস্তু কম।
Continue Reading
