ডিজিটেল ডেস্কঃ প্ৰথমবাৰৰ বাবে দেখা গ’ল প্ৰিয়ংকা চোপ্ৰা-নিক জোনাছৰ কন্যা মালতীৰ মুখ। বুধবাৰে ইনষ্টাগ্ৰামযোগে অভিনেত্ৰীগৰাকীয়ে মালতীৰ মুখৰ এছোৱা অংশ শ্বেয়াৰ কৰিছে।
উল্লেখ্য যে চলিত বৰ্ষৰ জানুৱাৰী মাহত চাৰোগেচিৰ মাধ্যমত জন্ম হৈছিল মালতীৰ। অনেক বিপদ পাৰ কৰি তাৰকা দম্পত্তিহালে মালতীক প্ৰতিপাল কৰিছে। নিজৰ কন্যা আৰু স্বামীৰ স’তে এতিয়া প্ৰিয়ংকাৰ সুখৰ সংসাৰ।
মালতীৰ জন্মৰ পাছত প্ৰিয়ংকাই বিভিন্ন সময়ত জীয়েকৰ ফটো সামাজিক মাধ্যমত শ্বয়াৰ কৰিছে যদিও সেইসমূহত মালতীৰ মুখখন প্ৰদৰ্শন কৰা নাছিল। মুখখন একোটা ইমোজিৰে ঢাকি ৰখা হৈছিল।
কিন্তু শেহতীয়া ছৱিখনত কন্যাৰ মুখৰ এছোৱা প্ৰদৰ্শন কৰিলে প্ৰিয়ংকাই। মালতীৰ গুলপীয়া গাল, ওঁঠখন দেখা গৈছে, চকু দুটা টুপিৰে ঢকা। ছৱিখন দেখি বুজি পোৱা গৈছে যে মালতী শুই থাকোতে ফটোখন তোলা হৈছিল।
প্ৰিয়ংকাৰ কন্যাৰ ছৱি দেখি অভিনেত্ৰীগৰাকীৰ অনুৰাগীসকলৰ মাজত উখল-মাখলৰ সৃষ্টি হৈছে।
Continue Reading
