'ইণ্ডিয়া' নামটো দাবী কৰিব পাৰে পাকিস্তানে!প্ৰতিবেদনে কৰিলে সকলো উজাগৰ; সবিশেষ

শেহতীয়াকৈ পাকিস্তানৰ স্থানীয় সংবাদ মাধ্যমৰ বাতৰি অনুসৰি যদি ৰাষ্ট্ৰসংঘত ইণ্ডিয়া নামৰ স্বীকৃতি আনুষ্ঠানিকভাৱে বাতিল কৰা হয়, তেন্তে পাকিস্তানে ইণ্ডিয়াৰ নামত নিজৰ দাবী দাখিল কৰিব পাৰে।উল্লেখ্য যে পাকিস্তানে বহুদিন ধৰি যুক্তি দি আহিছে যে ইণ্ডিয়া নামটোৱে সিন্ধু অঞ্চলক বুজায়। ইয়াৰ পাছত হয়তো পাকিস্তানৰ চকু ভাৰতৰ নামত থাকিব পাৰে।

দক্ষিণ এছিয়া সূচকাংকৰ প্ৰতিবেদন অনুসৰি পাকিস্তানৰ তদানীন্তন প্ৰধানমন্ত্ৰী কোৱাইদ-ই-আজম মহম্মদ আলী জিন্নাই ভাৰত নামটোৰ বিৰোধিতা কৰিছিল। ব্ৰিটিছ ইণ্ডিয়াই নতুন স্বাধীন দেশখনৰ নাম হিচাপে ইণ্ডিয়া নাম গ্ৰহণ কৰাত আপত্তি কৰিছিল। তাৰ ঠাইত হিন্দুস্তান বা ভাৰতৰ পৰামৰ্শ দিছিল।ভাৰতৰ স্বাধীনতাৰ এমাহ পাছত ১৯৪৭ চনত এবাৰ মহম্মদ আলী জিন্নাই মাউণ্টবেটেনে আয়োজন এখন শিল্প প্ৰদৰ্শনীৰ অধ্যক্ষ হ’বলৈ প্ৰেৰণ কৰা নিমন্ত্ৰণ গ্ৰহণ কৰিবলৈ অস্বীকাৰ কৰিছিল।লুই মাউণ্টবেটেনে প্ৰেৰণ কৰা নিমন্ত্ৰণী পত্ৰত হিন্দুস্তানৰ সলনি ইণ্ডিয়া শব্দটো ব্যৱহাৰ কৰা হৈছিল। সেই সময়ত এই ঘটনাৰ পাছত জিন্নাই ভাৰতৰ শেষ গৱৰ্ণৰ মাউণ্টবেটেনলৈ এখন চিঠি লিখি কয় যে কিছু অজ্ঞাত কাৰণত ভাৰতে ইণ্ডিয়া নামটো গ্ৰহণ কৰাটো দুখৰ বিষয়।