কংগনা ৰাণাৱটে বলীউডত সাধাৰণতে কাৰো সৈতে বিশেষ কথা নকয়। কংগনাই টুইটাৰ, ইনষ্টাগ্ৰামতে নিজৰ মনৰ ভাৱ প্ৰকাশ কৰি আহিছে। বহু সময়ত কংগনাৰ কথাই বিতৰ্কৰো সূচনা নকৰাকৈ থকা নাই।

Listen to Article

2 min read

80%

ডিজিটেল ডেস্কঃ কংগনা ৰাণাৱটে বলীউডত সাধাৰণতে কাৰো সৈতে বিশেষ কথা নকয়। কংগনাই টুইটাৰ, ইনষ্টাগ্ৰামতে নিজৰ মনৰ ভাৱ প্ৰকাশ কৰি আহিছে। বহু সময়ত কংগনাৰ কথাই বিতৰ্কৰো সূচনা নকৰাকৈ থকা নাই।

শেহতীয়াকৈ কংগনা ৰাণাৱট আৰু সোনম কাপুৰৰ মাজৰ যুঁজ খন লক্ষ্যণীয় হৈ পৰিছে। 'বিতৰ্কৰ ৰাণী' কংগনাই অলপতে সোনম কাপুৰক বিদ্ৰূপ কৰিছিল আৰু তেওঁক 'গচিপ আণ্টি' বুলি অভিহিত কৰিছিল। এয়া যেন বিতৰ্কৰ শীৰ্ষত থাকিবলৈ কংগনাৰ ৰণনীতিহে আছিল ! অভিনেত্ৰীগৰাকীয়ে ৰণবীৰ কাপুৰ, আলিয়া ভাট ,কৰণ জোহৰ কাকো সমালোচনা কৰিবলৈ এৰা নাই।

এইবাৰ যেন সোনম কাপুৰৰ পাল পৰিছে। সোনম কাপুৰ শেহতীয়াকৈ কংগনাৰ শ্লেষৰ ভুক্তভোগী হৈছে। সোনম অভিনীত 'ব্লাইণ্ড' ছবি খনে শেহতীয়াকৈ মুক্তি পাইছে। ছবিখনত অনিল কাপুৰৰ কন্যা সোনমৰ অভিনয়ে মিশ্ৰিত প্ৰতিক্ৰিয়া লাভ কৰাৰ সময়তে সমালোচকসকলেও ছবি খনক ভালদৰে গ্ৰহণ কৰা নাই। কংগনা ৰাণাৱটেও এনে সময়তে সোনম কাপুৰৰ প্ৰত্যাৱৰ্তনক উপহাস কৰিছে।

আৰু পঢ়ক :

কফি উইথ কৰণৰ এটা খণ্ডত সোনমে কংগনাৰ ইংৰাজী ভাষা শৈলীক লৈ সমালোচনা কৰিছিল। কংগনাই অতীতৰ কথা উল্লেখ কৰি এইবাৰ বিতৰ্কৰ সৃষ্টি কৰিছে। অনুষ্ঠানটোত, সোনমে কৈছিল, "কংগনাৰ ফেশ্বন চেঞ্চ বহুত ভাল। অৱশ্যে, তেওঁৰ ইংৰাজী কোৱাৰ ধৰণটো ভাল নহয়। ..."

সোনমৰ মন্তব্যৰ কথা মনত পেলাই কংগনাই কয়, "২৪ বছৰ বয়সত ইমান অপমান, উপহাস, সমালোচনা শুনিও, মই নম্ৰতাৰে ইয়াৰ প্ৰতি যিদৰে সঁহাৰি দিছিলো, সেয়া তথাকথিত গচিপ আণ্টিসকলে কেতিয়াও কৰিব নোৱাৰিব।"