ডিজিটেল ডেস্কঃ ইংলেণ্ডৰ বিৰুদ্ধে প্ৰথম দুখন টেষ্ট খেলৰ পৰা ব্যক্তিগত কাৰণত নিজকে আঁতৰাই আনিছিল বিৰাট কোহলীয়ে। সোমবাৰে ব’ৰ্ডে এক বিবৃতিত এই কথা প্ৰকাশ কৰে। ফলত ভাৰতীয় দলত এক ব্যৱধানৰ সৃষ্টি হ’ল। কোহলীৰ সলনি ইতিমধ্যে তিনিজন ক্ৰিকেটাৰ দৌৰত নামিছে।
১) ৰজত পাটিদাৰঃ শেহতীয়াকৈ ভাৰতৰ ‘এ’ দলৰ হৈ তেওঁ ডাঙৰ ফৰ্মত আছে। একেৰাহে দুখন টেষ্টত শতক অৰ্জন কৰে। বগা বল ক্ৰিকেটত ভাল খেলাৰ বাবে তেওঁ পৰিচিত যদিও শেহতীয়াকৈ ৰেড বল ক্ৰিকেটত তেওঁৰ চকু কপালত তুলিছে। দলত বাছি ল’লে পাটিদাৰ মিডল অৰ্ডাৰত বিকল্প হ’ব পাৰে।
২) সৰফৰাজ খানঃ ইণ্ডিয়া ‘এ’ দলৰ হৈ ভাল খেলি, তেওঁ এজন প্ৰতিদ্বন্দ্বীও। প্ৰথম টেষ্টত ৯৬ ৰান আৰু পৰৱৰ্তী টেষ্টৰ দ্বিতীয় ইনিংছত ৫৫ ৰান সংগ্ৰহ কৰে। ইয়াৰ পূৰ্বে দক্ষিণ আফ্ৰিকা ভ্ৰমণতো তেওঁৰ অৰ্ধশতক আছে। ইয়াৰ বাহিৰেও তেওঁ বছৰ বছৰ ধৰি ঘৰুৱা ক্ৰিকেটত ৰান সংগ্ৰহ কৰি আহিছে। এতিয়াও খোল খাব পৰা নাই জাতীয় দলৰ দুৱাৰ। নিৰ্বাচকসকলে তেওঁক সুযোগ দিব পাৰে।
৩) চেতেশ্বৰ পূজাৰাঃ নতুনকৈ অহা কোনো এজনক যদি তেওঁলোকে সুযোগ দিব নিবিচাৰে তেন্তে নিৰ্বাচকসকলে পুৰণি মুখবোৰক বিশ্বাস কৰিব পাৰে। তেনে ক্ষেত্ৰত পূজাৰাৰ নাম প্ৰথমে আহিব। ৰঞ্জিত ভাল খেলি জাতীয় দললৈ ঘূৰি আহিবলৈ অশেষ চেষ্টা কৰিছে। শেহতীয়াকৈ ঝাৰখণ্ডৰ বিৰুদ্ধে ২৪৩ ৰান সংগ্ৰহ কৰিছে। প্ৰথম শ্ৰেণীৰ ক্ৰিকেটতো ২০ হাজাৰ ৰান সম্পূৰ্ণ কৰে।
Continue Reading
