ডিজিটেল ডেস্কঃ বিভিন্নজনৰ চোকা সমালোচনাৰ মাজতো জিলিকি উঠিছে প্ৰতিভাৱান ৰিয়ান পৰাগ৷ইণ্ডিয়ান প্ৰিমিয়াৰ লীগ চমুকৈ আইপিএলৰ দুৰ্বল প্ৰদৰ্শনৰ বাবে প্ৰায়ে সমালোচনাৰ পাত্ৰ হৈ পৰা ৰিয়ানৰ পৰাগৰ নাম এতিয়া দেশজুৰি বিয়পি পৰিছে৷ৰাজস্থান ৰয়েলছৰ হৈ আইপিএলত অংশগ্ৰহণ কৰা ৰিয়ান পৰাগে বৰ্তমান ঘৰুৱা ক্ৰিকেটত দেখুওৱা পাৰদৰ্শিতাৰ বাবে ৰাষ্ট্ৰীয় সন্মান বুটলিবলৈ সক্ষম হৈছে৷
ঘৰুৱা ক্ৰিকেট বিশেষকৈ ছৈয়দ মুস্তাক আলী ট্ৰফী,বিজয় হাজাৰে ট্ৰফী আৰু ৰঞ্জী ট্ৰফীৰ দৰে টুৰ্নামেণ্টত দুৰ্দান্ত প্ৰদৰ্শন আগবঢ়াই ৰিয়ানে ইটোৰ পাছত সিটো অভিলেখ ভংগ কৰিছিল;এক কথাত ৰিয়ান পৰাগৰ অধিনায়কত্বত অসমৰ ক্ৰিকেট দলটি ৰাষ্ট্ৰীয় প্ৰেক্ষাপটত উজলি উঠিছিল৷সেয়েহে বৰ্তমান সদ্যঘোষিত BCCIৰ লালা অমৰনাথ বঁটা লাভ কৰিছে ৰিয়ানে৷সীমিত অভাৰৰ টুৰ্নামেণ্টত শ্ৰেষ্ঠ অল-ৰাউণ্ডাৰৰ শিতানত ৰিয়ানে এই বঁটা লাভ কৰিছে৷ৰিয়ানক এই বঁটা প্ৰদান কৰে ভাৰতীয় ক্ৰিকেট দলৰ অধিনায়ক ৰোহিত শৰ্মাই৷ৰিয়ানৰ এই কৃতিত্বত এতিয়া অভিভাৱক,অসমবাসী তথা ক্ৰিকেটপ্ৰেমী নিশ্চিতভাৱে সুখী হৈ পৰা দেখিবলৈ পোৱা গৈছে৷
Continue Reading
