ডিজিটেল ডেস্কঃ এগৰাকী অভিনেত্ৰীক অপমান কৰাৰ অভিযোগত গ্ৰেপ্তাৰ হ’ল মুম্বাইৰ আন্ধেৰীৰ এজন যুৱক৷ দেওবাৰে ৩৫ বছৰীয়া যুৱকগৰাকীক গ্ৰেপ্তাৰ কৰা হয়৷ অৱশ্যে গ্ৰেপ্তাৰৰ পাছতে জামিন লাভ কৰিছে তেওঁ৷
আৰক্ষীয়ে জনোৱা মতে, চলিত বছৰৰ এপ্ৰিল মাহত এটা লাইভ ষ্ট্ৰিমিং এপত একাউণ্ট খুলিছিল ২৬ বৰ্ষীয় অভিনেত্ৰীগৰাকীয়ে৷ বাংলা আৰু হিন্দী ৱেব চিৰিজত অভিনয় কৰে তেওঁ৷ লাইভ ষ্ট্ৰিমিং এপটোত তেওঁৰ বহু অনুৰাগী আছিল৷
জুলাই মাহত অভিনেত্ৰীগৰাকীয়ে দেখে যে এজন যুৱকে তেওঁক অশালীন মেচেজ পঠাইছে৷ তাৰপাছতে যুৱকজনক ‘ব্লক’ কৰি দিয়ে তেওঁ৷
অভিনেত্ৰীগৰাকীয়ে অভিযোগ কৰা মতে, ‘ব্লক’ কৰাৰ পাছতে ইনষ্টাগ্ৰামতো যুৱকজনে আপত্তিজনক মেচেজ পঠাবলৈ ধৰে৷ ইনষ্টাগ্ৰামতো যুৱকজনক ‘ব্লক’ কৰে তেওঁ৷
তাৰপাছতো ক্ষান্ত নহ’ল যুৱকজন৷ এইবাৰ ‘টুইটাৰ’ৰ জৰিয়তে অশ্লীল মেচেজ পঠাব পৰে অভিনেত্ৰীক৷ ইনষ্টাগ্ৰামত অভিনেত্ৰীগৰাকীৰ নাম আৰু ছৱি ব্যৱহাৰ কৰি ভুৱা একাউণ্ট খোলাৰো অভিযোগ উঠে যুৱকজনৰ বিৰুদ্ধে৷ তদুপৰি অভিনেত্ৰীগৰাকীৰ ফোন নম্বৰো সংগ্ৰহ কৰি অপমান কৰা হৈছে বুলি অভিনেত্ৰীগৰাকীয়ে কয়৷
তাৰপাছতে মুম্বাইৰ ডিএন নগৰ থানাত অভিযোগ দাখিল কৰে অভিনেত্ৰীগৰাকীয়ে৷ তাৰপাছতে যুৱকজনক গ্ৰেপ্তাৰ কৰে আৰক্ষীয়ে৷
Continue Reading
