ডিজিটেল ডেস্কঃ ব্যক্তিগত সম্পৰ্ক আৰু বলীউড উদ্যোগৰ তাৰকা-খচিত অভিনেতা আৰু অভিনেত্ৰীসকলৰ কিছুমান কাৰ্যকলাপ কেতিয়াবা ট’প ট্ৰেণ্ডিং হৈ পৰে। গ্লেমাৰ জগতৰ তাৰকাসকলে ক’ত, কেতিয়া, কি কৰিব তাকে জানিবলৈ অনুৰাগীয়ে কাণ উনাই থকা দেখা যায়। বলীউডৰ অন্যতম তাৰকা যুটি হৈছে ৰণবীৰ কাপুৰ আৰু আলিয়া ভাট। দুই তাৰকাৰ প্ৰেমকাহিনীৰ বিষয়েও সকলোৱে অৱগত। বলীউডৰ বিখ্যাত অভিনেতা ৰণবীৰ কাপুৰে ১৪ এপ্ৰিলত আলিয়া ভাটৰ সৈতে বিবাহ পাশত আৱদ্ধ হৈছিল। শেহতীয়াকৈ, বিবাহৰ এমাহৰ ভিতৰতে কাপুৰ পৰিয়াললৈ আনিছে ভাল খবৰ।
বিবাহৰ পিছৰে পৰা ছ’চিয়েল মিডিয়াত চৰ্চাৰ কেন্দ্ৰবিন্দুত আছে আলিয়া ভট্ট আৰু ৰণবীৰ কাপুৰ। চকুৰ পলকতে সৰু সৰু পোষ্টবোৰ ব্যাপক ৰূপত ভাইৰেল হৈ পৰিছে। ইয়াৰ মাজতে আলিয়াৰ বিষয়ে এটা খবৰ ওলাইছে। এই খবৰে আচৰিত কৰি তুলিছে অনুৰাগীক।
দৰাচলতে আলিয়াৰ ইনষ্টাগ্ৰামত প্ৰকাশ পোৱা এখন আলোকচিত্ৰ এতিয়া এই সকলো জল্পনাৰ সৃষ্টি কৰা দেখা গৈছে। অতিশীঘ্ৰে অভিনেত্ৰীগৰাকী মাতৃ হ'ব পাৰে বুলি অনুমান কৰিছে অনুৰাগীয়ে। এই খবৰ প্ৰকাশৰ পাছতে ইণ্টাৰনেটত বিষয়টোক লৈ হৈছে তুমুল চৰ্চা। এই সন্দৰ্ভত অৱশ্যে তাৰকা দম্পতীয়ে কোনো ধৰণৰ মন্তব্য প্ৰকাশ কৰা নাই।
Continue Reading
