ডিজিটেল ডেস্কঃ IPL ইতিহাসৰ আটাইতকৈ দামী খেলুৱৈ হিচাপে চিহ্নিত পেট কামিন্স৷ ২০.৫০ কোটি টকাৰ টেগ লৈ বিশ্বকাপ বিজয়ী অষ্ট্ৰেলিয়ান অধিনায়ক পেট কামিন্স আই পি এল ইতিহাসৰ আটাইতকৈ দামী খেলুৱৈ হিচাপে পৰিগণিত হৈছে। ডুবাইৰ কোকাকোলা এৰিনাত অনুষ্ঠিত হোৱা আই পি এল নিলাম ২০২৪ত কামিন্সক ছানৰাইজাৰ্ছ হায়দৰাবাদে ক্ৰয় কৰে। পেটৰ বেচ প্ৰাইজ আছিল ২ কোটি টকা৷ চেন্নাই ছুপাৰ কিংছ আৰু মুম্বাই ইণ্ডিয়ানছে খেলুৱৈগৰাকীৰ বাবে প্ৰথমে প্ৰতিদ্বন্দ্বিতা কৰিছিল।আৰু পাছত ৰয়েল চেলেঞ্জাৰছ বেংগালুৰু-এ নিলাম মূল্য ৫.০০ কোটি টকালৈ বৃদ্ধি কৰে। ছানৰাইজাৰ্ছ হায়দৰাবাদেও যোগদান কৰি আৰচিবিৰ সৈতে নিবিদাৰ মৌখিক যুদ্ধ আৰম্ভ কৰে আৰু হায়দৰাবাদে অৱশেষত পেটক ক্ৰয় কৰে। ২০.৫০ কোটি টকাৰে কামিন্স আই পি এলৰ ইতিহাসৰ আটাইতকৈ দামী খেলুৱৈ হিচাপে পৰিগণিত হৈছে।
২০২৩ চনৰ আই পি এল নিলামত ১৮.৫০ কোটি টকাত বিক্ৰী হোৱা ছেম কৰণৰ অভিলেখ ভংগ কৰে পেট কামিন্সে। ২০১৫ চনত দিল্লী ডেয়াৰডেভিলছ (বৰ্তমান দিল্লী কেপিটেলছ)ক বিক্ৰী কৰাৰ সময়ত যুৱৰাজ সিঙে ১৬ কোটি টকাৰে আটাইতকৈ দামী ভাৰতীয় খেলুৱৈৰ অভিলেখ এতিয়াও অব্যাহত ৰাখিছে।
Continue Reading
