ডিজিটেল ডেস্কঃ টীম ইণ্ডিয়াৰ বিস্ফোৰক উইকেটকীপাৰ বেটছমেন ঈশান কিষাণে আন্তঃৰাষ্ট্ৰীয় ক্ৰিকেটলৈ এক স্মৰণীয় প্ৰত্যাৱৰ্তন ঘটাইছে। নিউজিলেণ্ডৰ বিৰুদ্ধে ৰায়পুৰত অনুষ্ঠিত হোৱা টি-২০ মেচখনত তেওঁৰ বেটৰ পৰা ওলোৱা ধুমুহা ইনিংছে পুনৰবাৰ প্ৰমাণ কৰিলে যে তেওঁ কিয় বৰ্তমান সময়ৰ অন্যতম বিপজ্জনক বেটছমেন।
যোৱা কিছু সময় ধৰি ঈশান কিষাণ টীম ইণ্ডিয়াৰ মূল একাদশৰ পৰা বাহিৰত আছিল। ঘৰুৱা ক্ৰিকেটত উন্নত প্ৰদৰ্শন আৰু নিজৰ ফিটনেছৰ ওপৰত কাম কৰাৰ পিছত তেওঁক নিউজিলেণ্ডৰ বিৰুদ্ধে এই শৃংখলাত সুযোগ দিয়া হয়। ৰায়পুৰৰ খেলপথাৰত ভৰি দি তেওঁ প্ৰথম বলটোৰ পৰাই আক্ৰমণাত্মক ৰূপত দেখা গৈছিল।
ৰায়পুৰৰ শ্বহীদ বীৰ নাৰায়ণ সিং আন্তঃৰাষ্ট্ৰীয় ষ্টেডিয়ামত ইশানে নিউজীলেণ্ডৰ শক্তিশালী বলিং আক্ৰমণক নস্যাৎ কৰি এটাৰ পিছত এটাকৈ চাৰি আৰু ছয়েৰে দৰ্শকক মোহিত কৰে। তেওঁৰ এই ইনিংছে ভাৰতক এক শক্তিশালী স্থিতি প্ৰদান কৰাৰ লগতে কিৱি বাহিনীৰ ওপৰত আৰম্ভণিৰে পৰা চাপ সৃষ্টি কৰে।
ক্ৰিকটে বিশেষজ্ঞসকলৰ মতে, ঈশান কিষাণৰ এই প্ৰত্যাৱৰ্তন কেৱল তেওঁৰ বাবেই নহয়, বৰঞ্চ আগন্তুক টি-২০ বিশ্বকাপৰ বাবে টীম ইণ্ডিয়াৰ বাবেও এক ইতিবাচক ইংগিত। দলৰ ওপৰৰ ক্ৰমত এজন বাঁওহতীয়া বিস্ফোৰক বেটছমেনৰ উপস্থিতি ভাৰতৰ বাবে সদায় লাভজনক।
প্ৰশংসাত পঞ্চমুখ অনুৰাগী: ইশানৰ এই প্ৰদৰ্শনৰ পিছত ছ’চিয়েল মিডিয়াত অনুৰাগীৰ মাজত ব্যাপক উছাহ দেখিবলৈ পোৱা গৈছে। ‘ঈশান কিষাণ ২.০’ (Ishan Kishan 2.0) বুলি অভিহিত কৰি অনুৰাগীসকলে কৈছে যে এয়াটো মাত্ৰ আৰম্ভণিহে, আগলৈ বহুত খেল বাকী আছে।
এই জয়ে কেৱল ভাৰতক শৃংখলাত আগুৱাই নিয়াই নহয়, বৰঞ্চ ঈশান কিষাণৰ আত্মবিশ্বাসকো এক নতুন মাত্ৰা প্ৰদান কৰিছে।
Continue Reading
