ডিজিটেল ডেস্কঃ দিল্লীত অষ্ট্ৰেলিয়াৰ বিৰুদ্ধে দ্বিতীয়খন টেষ্ট খেলৰ পূৰ্বে ৰোহিত শৰ্মা, বিৰাট কোহলীৰ বাবে সুখবৰ। ক্ৰিকেটৰ সকলো ফৰ্মেটতে শীৰ্ষত উপনীত হ’ল টীম ইণ্ডিয়া। তাৰ লগে লগে সৃষ্টি হ’ল অনন্য ইতিহাসৰ।
ইতিমধ্যে এদিনীয়া ক্ৰিকেট আৰু টি-২০ত এক নম্বৰ স্থানত আছিল ভাৰত। এইবাৰ টেষ্টত শীৰ্ষ স্থান দখল কৰে। অষ্ট্ৰেলিয়াৰ পৰা শীৰ্ষস্থান আঁজুৰি আনি ৰোহিতবাহিনীয়ে এক নম্বৰ স্থান দখল কৰে।
নাগপুৰত অষ্ট্ৰেলিয়াক এটা ইনিংছ আৰু ১৩২ ৰানত পৰাস্ত কৰে ভাৰতে। ফলত তেওঁলোকে ৰেংকিঙৰ উপৰলৈ উঠিবলৈ সক্ষম হ’ল। বুধবাৰে প্ৰকাশিত ৰেংকিঙত ভাৰতৰ ৰেটিং হৈছে ১১৫। দ্বিতীয় স্থানত থকা অষ্ট্ৰেলিয়াতকৈ ৪ ৰেটিং পইণ্ট বেছি ৰোহিতবাহিনীৰ। ভাৰতৰ পইণ্ট ৩৬৯০। অষ্ট্ৰেলিয়াৰ পইণ্ট ৩২৩১।
এই তালিকাত তৃতীয় স্থানত আছে ইংলেণ্ড। ৪৯৭৩ পইণ্টেৰে সৰ্বাধিক পইণ্ট লাভ কৰিছে বেন ষ্ট’কছবাহিনীয়ে। কিন্তু তেওঁলোকৰ ৰেটিং পইণ্ট ১০৬। চতুৰ্থ স্থানত থকা নিউজিলেণ্ডৰ ২৭০৪ পইণ্ট আৰু ১০০ ৰেটিং। টেষ্ট ৰেংকিঙত পঞ্চম স্থানত আছে দক্ষিণ আফ্ৰিকা। তেওঁলোকৰ পইণ্ট হৈছে ২৪৫৬। ৰেটিং ৮৫।
টেষ্ট ৰেংকিঙত এক নম্বৰ স্থানত থকাৰ পাছতো বিশ্ব টেষ্ট চেম্পিয়নশ্বিপত দ্বিতীয় স্থানত আছে ভাৰত। ৰোহিতৰ পইণ্ট শতাংশ ৬১.৬৭। শীৰ্ষত অষ্ট্ৰেলিয়াৰ পইণ্ট শতাংশ ৭০.৮৩। ভাৰত-অষ্ট্ৰেলিয়া টেষ্ট শৃংখলাৰ ওপৰত নিৰ্ভৰ কৰিব কোন দুটা দলে ফাইনেলত খেলিব। তাৰ বাবে ভাৰতে অষ্ট্ৰেলিয়াক কমেও ২-০ বা ৩-১ গ’লত পৰাস্ত কৰাটো প্ৰয়োজন।
এদিনীয়া ৰেংকিঙতো শীৰ্ষত আছে ভাৰত। তেওঁলোকৰ পইণ্ট হৈছে ৫০১০। ৰেটিং ১১৪। এই ফৰ্মেটত অষ্ট্ৰেলিয়াও দ্বিতীয় স্থানত আছে। তেওঁলোকৰ ৩৫৭২ পইণ্ট আৰু ১১২ ৰেটিং। নিউজিলেণ্ড তিনি নম্বৰত আছে। তেওঁলোকৰ পইণ্ট হৈছে ৩২২৯। ৰেটিং ১১১। এই তালিকাত ইংলেণ্ড আৰু পাকিস্তান ক্ৰমে চতুৰ্থ আৰু পাঁচ নম্বৰ স্থানত আছে। ইংলেণ্ডে ৩৬৫৬ পইণ্ট আৰু ১১১ ৰেটিং। আনহাতে বাবৰ আজমবাহিনীৰ পইণ্ট ২৬৪৯ আৰু ৰেটিং ১০৬।
ক্ৰিকেটৰ চুটি ফৰ্মেট টি২০তো শীৰ্ষত আছে ৰোহিত। ভাৰত পইণ্ট ১৮৪৪৫। তেওঁলোকৰ ৰেটিং হৈছে ২৬৭। টি-২০ত দ্বিতীয় স্থানত আছে ইংলেণ্ড। তেওঁলোকৰ পইণ্ট হৈছে ১৩০২৯। ৰেটিং ২৬৬। এই তালিকাত পাকিস্তান তৃতীয় স্থানত আছে। বাবৰবাহিনীৰ পইণ্ট ১৪১৬৮। ৰেটিং ২৫৮।
Continue Reading
