ডিজিটেল ডেস্ক: এখন যুদ্ধই ইউক্ৰেইনলৈ নমাই আনিলে আনিলে অন্ধকাৰাচ্ছন্ন ভৱিষ্যৎ৷ সভ্যতাৰ প্ৰতি সংশয় হৈ পৰা এই সামৰিক সংঘাতে কাঢ়ি নিলে ইউক্ৰেইনৰ শিশুৰ দুচকুৰ স্বপ্ন৷ মচি দিলে আকাংক্ষাৰ সীমনা৷ ক্ৰমশঃ বধ্যভূমিত পৰিণত হৈছে ইউক্ৰেইন৷ সামৰিক সংঘাতৰ সকৰুণ পৰিণতি দেখা গ’ল ইউক্ৰেইনত৷ যি ঘটনাত সভ্যতাই লাজত মুখ লুকুৱাইছে৷
যুদ্ধৰ মাজত ইউক্ৰেইনৰ সাংসদ লেছীয়া ভাছিলেংকে কয়, ইউক্ৰেইনত ১০ বছৰীয়া কন্যাশিশুক ধৰ্ষণ কৰি নিপীড়ণ চলাইছে ৰুছসৈন্যই৷ যুদ্ধৰ ৪০ দিনত, ৰাছিয়াৰ বিৰুদ্ধে কিয়েভৰ দ্বাৰা একাধিক যুদ্ধ অপৰাধৰ অভিযোগ উত্থাপিত হৈছে, যাৰ ভিতৰত আছে সাধাৰণ লোকক লক্ষ্য কৰা। ইউক্ৰেইনৰ সাংসদ লেছীয়া ভাছিলেংকে দাবী কৰে যে ৰাছিয়াৰ সৈন্যই মহিলাসকলক অত্যাচাৰ চলাই আছে আৰু কন্যাশিশুক যৌন নিৰ্যাতন চলাই আছে৷
দেশখনৰ যুদ্ধবিধ্বস্ত অঞ্চলসমূহৰ পৰা উদ্বেগজনক বিৱৰণ আৰু ছবি শ্বেয়াৰ কৰি তেওঁ অভিযোগ কৰে যে দুয়োখন দেশৰ মাজত চলি থকা যুঁজৰ মাজত ৰাছিয়াৰ সৈন্যসকলে ১০ বছৰ বয়সৰ নাবালক ছোৱালীক ধৰ্ষণ কৰি হত্যা কৰিছে৷ এক টুইটযোগে সাংসদগৰাকীয়ে এখন ছবিৰে লিখিছে, এয়া এগৰাকী ধৰ্ষণ আৰু হত্যাকৰা মহিলাৰ অত্যাচাৰ কৰা শৰীৰ। মই নিৰ্বাক। মোৰ মন খং আৰু ভয় আৰু ঘৃণাত পক্ষাঘাতগ্ৰস্ত হৈ পৰিছে।
ইউক্ৰেইনৰ সৈন্যই শেহতীয়াকৈ তেওঁলোকৰ ৰাছিয়াৰ সমকক্ষসকলৰ পৰা বুচাকে ধৰি কিয়েভ অঞ্চলৰ নিয়ন্ত্ৰণ পুনৰ দখল কৰে। আলোচনা এতিয়াও অব্যাহত আছে যদিও ইউক্ৰেইনে এতিয়ালৈকে নাটোত যোগদান কৰাৰ আকাংক্ষা ত্যাগ কৰাৰ আৰু চৰকাৰী নিৰপেক্ষতা ঘোষণা কৰাৰ প্ৰস্তাৱ দিছে৷
Continue Reading
