ডিজিটেল ডেস্কঃকুখ্যাত জালিয়ানৱালাবাগ হত্যাকাণ্ডৰ বাবে ৰাণী এলিজাবেথক হত্যাৰ ভাবুকি দিছিল এজন ব্ৰিটিছ শিখ লোকে৷ ২০২১ চনৰ খ্ৰীষ্টমাছৰ দিনা ৰাণী দ্বিতীয় এলিজাবেথক হত্যা কৰিব বিচৰা আৰু এনে ভাবুকি দিয়াৰ পিছতে উইণ্ডছৰ কেচেলৰ খেলপথাৰত ধৰা পৰা এজন ব্ৰিটিছ শিখ ব্যক্তিয়ে দেশদ্ৰোহী আইনৰ অধীনত দোষ স্বীকাৰ কৰিছে।
২১ বছৰীয়া যশৱন্ত সিং চাইলে হাতত অস্ত্ৰ লৈ মুখা পিন্ধি আহিছিল আৰু কৈছিল "মই ইয়ালৈ ৰাণীক হত্যা কৰিবলৈ আহিছোঁ"। তেওঁ দুৰ্গৰ খেলপথাৰত প্ৰৱেশ কৰাৰ আগতে এটা ভিডিঅ' ৰেকৰ্ড কৰিছিল, যিটো তেওঁ গ্ৰেপ্তাৰ হোৱাৰ প্ৰায় ১০ মিনিট আগতে আন বহুতলৈ প্ৰেৰণ কৰিছিল। "মই যি কৰিছো আৰু কি কৰিম তাৰ বাবে মই দুঃখিত। মই ৰাজপৰিয়ালৰ ৰাণী এলিজাবেথক হত্যা কৰাৰ চেষ্টা কৰিম," তেওঁ ভিডিঅ'টোত কৈছিল।"
" যিসকলে ১৯১৯ চনৰ গণহত্যাত মৃত্যুবৰণ কৰিছিল তেওঁলোকৰ বাবেই মই ৰাণীক হত্যা কৰিম৷," চাইলে লগতে কৈছিল। উল্লেখ্য ব্ৰিটিছ ঔপনিৱেশিক সৈন্যই ভাৰতৰ অমৃতসৰত প্ৰায় ৪০০ শিখক গুলীয়াই হত্যা কৰিছিল। ভাৰতীয়সকলে দীৰ্ঘদিন ধৰি ব্ৰিটেইনৰ পৰা এই বিষয়ত আনুষ্ঠানিকভাবে ক্ষমা বিচাৰিছিল৷ এই নহত্যাক ১৯১৯ চনৰ জালিয়ানৱালাবাগ গণহত্যা বুলি কোৱা হয় ৷ ব্ৰিটিছ বাহিনীয়ে ঔপনিৱেশিক আইনৰ বিৰুদ্ধে প্ৰতিবাদ কৰিবলৈ সমবেত হোৱা নিৰস্ত্ৰ ভাৰতীয় নাগৰিকসকলৰ ওপৰত গুলীচালনা কৰিছিল।
ইয়াৰ প্ৰতিশোধ স্বৰূপেই লোকজনে ৰাণীক হত্যা কৰিবলৈ বিচাৰিছিল৷চাইলই শুক্ৰবাৰে লণ্ডনৰ ওল্ড বেইলী আদালতত যুক্তৰাজ্য খনৰ দেশদ্ৰোহী আইনৰ অধীনত অপৰাধ স্বীকাৰ কৰে । ১৯৮১ চনৰ পিছত দেশদ্ৰোহৰ বাবে দোষী সাব্যস্ত হোৱা তেওঁ ব্ৰিটেইনৰ প্ৰথম ব্যক্তি। তেওঁক ৩১ মাৰ্চত আদালতে দণ্ডিত কৰিব৷
Continue Reading
