ডিজিটেল ডেস্কঃ যোৱা ৭ ছেপ্টেম্বৰত ছবিগৃহত মুক্তি পালে শ্বাহৰুখ খানৰ ‘পান ইণ্ডিয়ান’ ছবি ‘জৱান’। বহুতে ভাবে এই ছবিখন মুক্তিৰ এমাহৰ ভিতৰতে বক্স অফিচত হাজাৰ হাজাৰ কোটি টকাৰ ক্লাবত প্ৰৱেশ কৰিব পাৰে। ‘জৱান’ ছবিখনৰ পৰিচালনাৰ দায়িত্বত আছিল এটলীয়ে। দক্ষিণৰ চলচ্চিত্ৰ জগতৰ জনপ্ৰিয় পৰিচালক। ‘জোৱান’ চিনেমাখনৰ জৰিয়তে বলীউডত অভিষেক ঘটালে এটলীয়ে।
এটলীয়ে নিজৰ কেৰিয়াৰৰ প্ৰথমখন হিন্দী ছবি পৰিচালনা কৰি আত্মপ্ৰকাশ কৰে। কিন্তু কেৱল এটলীয়েই নহয়, দক্ষিণৰ চলচ্চিত্ৰ জগতখনত এনে বহু পৰিচালক আছে যিয়ে ব্লকবাষ্টাৰ ছবিৰে বলীউডত আত্মপ্ৰকাশ কৰিছে।
দক্ষিণ ইণ্ডাষ্ট্ৰীজৰ সঞ্চালক কে বিশ্বনাথে চলিত বৰ্ষৰ ফেব্ৰুৱাৰী মাহত শেষ উশাহ লৈছিল। বিশ্বনাথে ষাঠিৰ দশকৰ পৰাই পৰিচালনা আৰম্ভ কৰিছিল। ১৯৭৯ চনত ছবিগৃহত মুক্তি লাভ কৰিছিল ‘সৰ্গম’ ছবিখন। এই ছবিখনত অভিনয় কৰিছে ঋষি কাপুৰ আৰু জয়া প্ৰাদাই। বিশ্বনাথৰ পৰিচালনাত নিৰ্মিত ‘সৰ্গম’ ছবিখনে বক্স অফিচত ডাঙৰ ব্যৱসায় কৰিছিল।
এ আৰ মুৰ্গাডছ তামিল চলচ্চিত্ৰ উদ্যোগৰ অন্যতম পৰিচালক। ‘সৰকাৰ’, ‘দৰবাৰ’, ‘থুপ্পাকী’ৰ দৰে কেইবাখনো ছবিৰ সৈতে তেওঁৰ সম্পৰ্ক আছে। ২০১৫ চনত এখন পুনৰ্নিৰ্মাণ ছবিৰ জৰিয়তে বলীউডত প্ৰৱেশ কৰিছিল মুৰ্গাডছে। তেওঁ ‘গাজিনী’ ছবি পৰিচালনাৰ দায়িত্বত আছিল। আমিৰ খান অভিনীত ছবিখনে বক্স অফিচতো ভাল প্ৰদৰ্শন কৰিছিল।
প্ৰভু দেৱে পৰিচালনা জগতৰ লগতে দক্ষিণৰ উদ্যোগৰ অভিনয় জগততো নিজৰ নাম উজলাইছিল। কোৰিঅ’গ্ৰাফাৰ হিচাপেও তেওঁ জনপ্ৰিয়। ২০০৭ চনত প্ৰভু দেৱে পৰিচালনা কৰিছিল তামিল ছবি ‘পক্কিৰী’। পিছলৈ সেই ছবিখনৰ পুনৰ্নিৰ্মাণেৰে তেওঁ বলিউডত পৰিচালক হিচাপে আত্মপ্ৰকাশ কৰে। ২০০৯ চনত প্ৰভু দেৱৰ পৰিচালনাত ছবিগৃহত মুক্তি লাভ কৰে ‘ৱাণ্টেড’ চিনেমা। ‘ৱাণ্টেড’ হৈছে ‘পককিৰি’ৰ হিন্দী ৰিমেক।
২০১১ চনত ছিদ্দিকীৰ পৰিচালনাত ছবিগৃহত মুক্তি লাভ কৰে ‘বডি গাৰ্ড’ ছবিখন। এই ছবিখনৰ জৰিয়তেহে চিদ্দিকীয়ে পৰিচালনাৰ ক্ষেত্ৰখনত প্ৰৱেশ কৰিছিল। ছলমান, কৰীনা কাপুৰ খান অভিনীত ছবি ‘বডি গাৰ্ড’ নিৰ্মাণৰ বাবে ৬০ কোটি টকা খৰচ হৈছিল। বলিপাৰাৰ সূত্ৰ অনুসৰি ছবিখনে মুক্তিৰ পিছত প্ৰায় ২৫৩ কোটি টকা উপাৰ্জন কৰে।
সন্দীপ ৰেড্ডী ভাংগা তেলেগু চলচ্চিত্ৰ জগতৰ জনপ্ৰিয় নাম। ২০১৭ চনত সন্দীপে তেলেগু ৰোমান্টিক ছবি ‘অৰ্জুন ৰেড্ডী’ পৰিচালনা কৰি খ্যাতি অৰ্জন কৰিছিল। ‘অৰ্জুন ৰেড্ডী’ৰ হিন্দী ৰিমেক লৈ বলীউডত ভৰি দিলে সন্দীপে। সন্দীপৰ পৰিচালনাত ২০১৯ চনত ছবিগৃহত মুক্তি লাভ কৰিছিল ‘কবীৰ সিং’। শ্বাহিদ কাপুৰ আৰু কিয়াৰা আদৱানীয়ে অভিনয় কৰা ছবিখনে বক্স অফিচত উপাৰ্জন কৰে ৩৭৯ কোটি টকা।
Continue Reading
