বলীউড অভিনেত্ৰী কাজলক লৈ চলিছে সৰৱ চৰ্চা। কাজলে দিয়া এক পষ্টক লৈ অনুৰাগীসকলৰ মাজত উতকণ্ঠাই বিৰাজ কৰিছে। কিছু সময় পূৰ্বে কাজলে ইনষ্টাগ্ৰামত এটা পোষ্ট শ্বেয়াৰ কৰিছিল, য’ত তেওঁ কেপচনত লিখিছিল, ‘মই ছ’চিয়েল মিডিয়াৰ পৰা বিৰতি লৈছো।’

Listen to Article

2 min read

80%

ডিজিটেল ডেস্কঃ বলীউড অভিনেত্ৰী কাজলক লৈ চলিছে সৰৱ চৰ্চা। কাজলে দিয়া এক পোষ্টক লৈ অনুৰাগীসকলৰ মাজত উৎকণ্ঠাই বিৰাজ কৰিছে। কিছু সময় পূৰ্বে কাজলে ইনষ্টাগ্ৰামত এটা পোষ্ট শ্বেয়াৰ কৰিছিল, য’ত তেওঁ কেপচনত লিখিছিল, ‘মই ছ’চিয়েল মিডিয়াৰ পৰা বিৰতি লৈছো।’ এই পোষ্টটোৰ সৈতে এখন ছবি শ্বেয়াৰ কৰা হৈছে। তাত লিখা আছে, "মই মোৰ জীৱনৰ আটাইতকৈ কঠিন পৰীক্ষাৰ সন্মুখীন হ'বলৈ ওলাইছো।" উল্লেখ্য যে এই পোষ্টটো দিয়াৰ পাছত অভিনেত্ৰীগৰাকীয়ে আন সকলো ইনষ্টাগ্ৰাম পোষ্ট ডিলিট কৰি পেলাইছে।

কাজলৰ ইনষ্টাগ্ৰামত এতিয়া অকল সেইটো পোষ্টেই জিলিকি আছে। টুইটাৰতো তেওঁ সকলো পোষ্ট ডিলিট কৰিছে।ছ’চিয়েল মিডিয়াত বিপুল অনুৰাগী আছে কাজলৰ। তেওঁৰ ১ কোটি ৪৪ লাখ ফ’ল’ৱাৰ আছে। তেওঁৰ ব্যক্তিগত জীৱনৰ বিষয়ে জানিবলৈ আগ্ৰহী এইসকল লোক।

কাজলে কিয় এই পোষ্ট দিলে তাকে লৈ চিন্তিত হৈ পৰিছে অনুৰাগীসকল। কাজলে জীৱনৰ কি কঠিন পৰীক্ষাৰ সন্মুখীন হোৱাৰ কথা কৈছে তাৰ উত্তৰ বিচাৰি হাবাথুৰি খাইছে তেওঁলোক। এজনে লিখিছে, "আপোনাক ভাল পাওঁ, সুৰক্ষিত আৰু সুস্থ হৈ থাকক।" আন এজন ব্যৱহাৰকাৰীয়ে লিখিছে, কি হৈছে নাজানো যাৰ বাবে আপুনি এনে সিদ্ধান্ত লৈছে, কিন্তু জানি থওক যে আমি আপোনাক ভাল পাওঁ আৰু আমি আপোনাৰ কেপচন আৰু ধুনীয়া পোষ্টবোৰ মনত ৰাখি থাকিম। আমি আপোনাক আন্তৰিক শুভেচ্ছা জনাইছো।"