--°C
Loading...
Listen to Article
2 min read
80%
ডিজিটেল ডেস্কঃ ভাৰতীয় টেনিছ তাৰকা ছানিয়া মিৰ্জাই টেনিছৰ পৰা অৱসৰ গ্ৰহণ কৰাৰ সিদ্ধান্ত ঘোষণা কৰিলে। ৩৬ বছৰীয়া ছানিয়া মিৰ্জাৰ এই ঘোষণাত দুখী হৈ পৰিছে তেওঁৰ অনুৰাগীসকল। শুকুৰবাৰে তেওঁ খেলিলে জীৱনৰ অন্তিমখন খেল। ডুবাইত আয়োজিত টুৰ্ণামেণ্টত শেষৰখন খেল খেলিলে ছানিয়াই। অৱসৰৰ ঘোষণা কৰি চকুলো টুকিছিল ছানিয়াই। তেওঁ কৈছিল- কান্দিছো যদিও এয়া সুখৰ চকুপানী। জীৱনৰ অন্তিমখন খেলত তেওঁ জয় সাব্যস্ত কৰাৰ সপোন পুহি ৰাখিছিল কিন্তু সেই সপোন বাস্তৱত ৰূপায়িত নহ'ল। 

অষ্ট্ৰেলিয়ান অ’পেনৰ মিক্সড ডাবলছৰ ফাইনেলত পৰাস্ত হোৱাৰ পিছত ছানিয়া মিৰ্জাই নিজকে আৱেগিক হোৱাৰ পৰা ৰোধ কৰিব নোৱাৰিলে। এইখনেই আছিল তেওঁৰ কেৰিয়াৰৰ অন্তিমখন গ্ৰেণ্ড শ্লেম মেচ। ফাইনেলত জয়ী হৈ চিৰদিনৰ বাবে সেই দিনটো স্মৰণীয় কৰি তুলিব বিচাৰিছিল যদিও সেই সপোন 
তেওঁৰ পূৰণ নহ’ল। ছানিয়া মিৰ্জাই কান্দি কান্দি টেনিছক বিদায় জনালে। ছানিয়া মিৰ্জাৰ ব্যক্তিগত জীৱনতো বহু ধুমুহা চলি থকাৰ খবৰ পোৱা গৈছে আৰু ইয়াৰ মাজতে যদি তেওঁ অষ্ট্ৰেলিয়ান অ’পেনত জয়ী হ’লহেঁতেন তেন্তে সেই ঘাঁবোৰ নিশ্চিতভাৱে অলপ হলেও ভাল হ’লহেঁতেন, কিন্তু সেয়া নহ’ল।

ইয়াৰ আগতেও ছানিয়া মিৰ্জা আৱেগিক হৈ পৰিছিল। প্ৰায় ৯ বছৰ আগতে ২০১৪ চনত ছানিয়া মিৰ্জাই এটা ৰাষ্ট্ৰীয় টিভি চেনেলত কান্দিছিল। সেই সময়ত ছানিয়া মিৰ্জাৰ নাগৰিকত্বৰ ওপৰত প্ৰশ্ন উত্থাপন হৈছিল আৰু এই কথাই এই ভাৰতীয় তাৰকাগৰাকীক বৰকৈ কন্দুৱাইছিল। ছানিয়া মিৰ্জাই কান্দি কান্দি ক’বলগীয়া হৈছিল যে ''মই মৃত্যুৰ আগমুহূৰ্তলৈকে ভাৰতীয় হৈ থাকিম। জীৱনে-মৰণে মই ভাৰতীয়।''

২০১৪ চনত ছানিয়া মিৰ্জাক তেলেংগানা ৰাজ্যৰ ব্ৰেণ্ড এম্বেছাদৰ হিচাপে নিযুক্তি দিয়া হয়। এই সিদ্ধান্তৰ বিৰোধিতা আৰম্ভ হ’ল আৰু এগৰাকী নেতাৰ বক্তব্যই ছানিয়া মিৰ্জাক জোকাৰি গ’ল। ছানিয়া মিৰ্জাক পাকিস্তানৰ বোৱাৰী বুলি অভিহিত কৰি বিজেপি নেতা কে লক্ষ্মণে কয় যে তেওঁক তেলেংগানা ৰাজ্যৰ ব্ৰেণ্ড এম্বেছাদৰ কৰা উচিত নহয়। ইয়াৰ পিছত ছানিয়া মিৰ্জাই এটা ব্যক্তিগত টিভি চেনেলৰ আগত এক সাক্ষাৎকাৰত কয় যে কেতিয়ালৈকে তেওঁ ভাৰতীয় হোৱাৰ প্ৰমাণ দিব লাগিব। ছানিয়া মিৰ্জাই মৃত্যুৰ আগলৈকে ভাৰতীয় হৈ থাকিব বুলি কয় আৰু এই কথা কৈ থাকোঁতে তেওঁ সকলোৰে সন্মুখত কৈছিল।

এতিয়া প্ৰায় ৯ বছৰৰ পাছত ছানিয়া মিৰ্জাৰ চকুত আকৌ এবাৰ চকুলো দেখিলে জনসাধাৰণে কিন্তু এইবাৰ ভাৰতৰ প্ৰতিজন নাগৰিকে তেওঁক লৈ গৌৰৱ কৰিছে। কাৰণ ভাৰতীয় টেনিছত ছানিয়া মিৰ্জাৰ অনবদ্য অৱদান আছে। ছানিয়া মিৰ্জাই শেষৰখন গ্ৰেণ্ড শ্লেম মেচত পৰাজিত হ’ল যদিও তেওঁ নিজৰ খেল, মনোভাৱ আৰু এক দশকৰো অধিক সময়ৰ কেৰিয়াৰত নিজৰ চিন্তাধাৰাৰে দেশৰ প্ৰতিজন ক্ৰীড়াপ্ৰেমীৰ হৃদয় জয় কৰিবলৈ সক্ষম হৈছে। ছানিয়া মিৰ্জাই অৰ্জুন বঁটা, পদ্মশ্ৰী, পদ্মভূষণ, মেজৰ ধ্যানচাঁদ খেলৰত্ন বঁটাকে ধৰি বহুকেইটা সন্মানীয় বঁটা অৰ্জন কৰিছে।

FOLLOW US F
POPULAR
FEATURE
TRENDY
কলিয়াবৰত শিৰত সেন্দূৰ লৈ, ডিঙিত মংগলসূত্ৰ পিন্ধি হিন্দু বুলি পৰিচয় মুছলিম মহিলাৰ! আটক ৩
আহমেদাবাদত অনুষ্ঠিত কমনৱেলথ গেছমত চৰাইদেউৰ চাৰি ভাৰ উত্তোলকৰ সোণৰ পদক অৰ্জন
ৰ’দৰ সংস্পৰ্শলৈ নাহিও ভিটামিন ডিৰ অভাৱ পূৰণ কৰিব পৰা যায়;  এই খাদ্যসমূহ খাব লাগিব
১ টা বলত ২২ ৰান ! CPL ২০২৫-ত আৰ চি বিৰ খেলুৱৈয়ে ৰচিলে ইতিহাস
চিকিৎসকৰ গাফিলতিত ঘুণীয়া হ'ল চন্দ্ৰপুৰৰ ছাত্ৰী; ঘটনাৰ তদন্ত ঘোষণা জি এম চি এইচ কর্তৃপক্ষৰ
কৰ আৰু শুল্কক লৈ আপোনাৰো লাগিছে নেকি খেলিমেলি? জানো আহক দুয়োটাৰ মাজত পাৰ্থক্য
মাত্ৰ ১৪ দিন দৈনিক মেথিৰ গুটি খাওক; এই লোকসকলে লাভ কৰিব বহু উপকাৰ
ডুবিব ৯ লাখ ৮৩ হাজাৰ টকাৰ ক্ৰিকেট বজাৰ! অনলাইন গেমিং বিলৰ ফলত আই পি এলৰ উপাৰ্জনত প্ৰভাৱ পৰিব নেকি?
বিশ্বৰ ৪৭% লোকে পচন্দ কৰে ভাৰতক ; পিউ ৰিছাৰ্চ চেণ্টাৰৰ সমীক্ষাত প্ৰকাশিত তথ্য
প্ৰকৃতিৰ বিস্ময়ঃ প্ৰজননৰ পাছত মতা ইলিছ মাছে লিংগ সলনি কৰি হৈ পৰে মাইকী মাছ! দুখন বিশ্ববিদ্যালয়ৰ যৌথ গৱেষণাই প্ৰকাশ কৰিলে আচৰিত তথ্য
২০২৪-২৫ বর্ষত দেশত প্রয়োজনতকৈ অধিক ৰক্তদান
ৰণত পৰিল ইষ্ট বেংগল, ডুৰাণ্ড কাপত ইতিহাস ৰচি ফাইনেললৈ ডায়মণ্ড হাৰ্বাৰ
শীর্ষ বাছনিৰ তনভি শৰ্মাৰ নেতৃত্বত ভাৰতীয় দল ঘোষণা
অসমীয়া ঠিকাদাৰক প্ৰহাৰ মিঞা শ্ৰমিকৰ ; আটক আইনুদ্দিন আলি, মহিম আলি আৰু মুজামিল হক